ദുബായ്: സോഷ്യല്മീഡിയയിലൂടെ ഇസ്ലാം വിരുദ്ധത പരത്തുന്നവര്ക്കെതിരെ ശക്തമായ മുന്നറിയിപ്പുമായി യുഎഇ രാജകുടുംബാംഗം രാജകുമാരിയായ ഹെന്ത് അല് ഖാസിമി.
ഇന്ത്യന് വംശജനായ സംഘപരിവാര് അനുഭാവിയായ സൗരഭ് ഉപാധ്യായ് എന്നയാള് പങ്കുവച്ച ചില ട്വീറ്റുകള് മുന്നിര്ത്തിയാണ് രാജകുമാരിയുടെ മുന്നറിയിപ്പ്.
തബ്ലീഗ ജമാഅത്ത് പരിപാടിയുമായി ബന്ധപ്പെടുത്തി മുസ്ലീം വിഭാഗത്തെ ഒന്നാകെ ആക്രമിക്കുന്ന തരത്തിലുള്ള ട്വീറ്റുകളാണ് സൗരഭ് പോസ്റ്റ് ചെയ്തിരുന്നത്. മാത്രമല്ല, വൈറസ് പരത്തുന്നതിനായി മുസ്ലീങ്ങള് ഭക്ഷണത്തില് തുപ്പുന്നുയെന്ന അഭ്യൂഹവും ഇയാള് പ്രചരിപ്പിച്ചിരുന്നു. ഈ ട്വീറ്റുകളുടെയെല്ലാം സ്ക്രീന്ഷോട്ടും പങ്കുവച്ചു കൊണ്ടാണ് ഹെന്ത് അല് ഖാസിമിയുടെ മുന്നറിയിപ്പ്.
Anyone that is openly racist and discriminatory in the UAE will be fined and made to leave. An example; pic.twitter.com/nJW7XS5xGx
— Princess Hend Al Qassimi (@LadyVelvet_HFQ) April 15, 2020
ഹെന്ത് അല് ഖാസിമിയുടെ വാക്കുകള്: ”ഇസ്ലാമോഫോബിയയും വംശീയ വിദ്വേഷവും വച്ചു പുലര്ത്തുന്നവര്ക്ക് വലിയ പിഴയൊടുക്കേണ്ടി വരും. ചിലപ്പോള് രാജ്യം തന്നെ വിട്ടു പോകേണ്ടി വന്നേക്കാം. ഇന്ത്യക്കാരുമായി യുഎഇ ഭരിക്കുന്ന കുടുംബം നല്ല സൗഹൃദത്തിലാണ്..എന്നാല് രാജകുടുംബാംഗം എന്ന നിലയില് നിങ്ങളുടെ ഇത്തരം മര്യാദയില്ലാത്ത പെരുമാറ്റം അംഗീകരിക്കാനാവില്ല. ഇവിടെ ജോലി ചെയ്യുന്ന എല്ലാവര്ക്കും ശമ്പളം നല്കുന്നുണ്ട്. ആരും സൗജന്യമായല്ല ജോലി ചെയ്യുന്നത്. നിങ്ങള്ക്ക് ആഹാരം നല്കുന്ന ഈ രാജ്യത്തെ തന്നെയാണ് നിങ്ങള് പരിഹസിക്കുന്നത്. ഇത്തരം അപഹാസ്യങ്ങള്ക്കെതിരെ കണ്ണടയ്ക്കാനാകില്ല.” രാജകുമാരി വ്യക്തമാക്കി.
The ruling family is friends with Indians, but as a royal your rudeness is not welcome. All employees are paid to work, no one comes for free. You make your bread and butter from this land which you scorn and your ridicule will not go unnoticed.
— Princess Hend Al Qassimi (@LadyVelvet_HFQ) April 15, 2020
ട്വീറ്റ് വിവാദമായതോടെ ഇയാള് അക്കൗണ്ട് ഡീ ആക്ടിവേറ്റ് ചെയ്തിരിക്കുകയാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here