ഉത്തരകൊറിയൻ ഭരണാധികാരി കിം ജോങ് ഉൻ പൊതുവേദിയിൽ എത്തിയതായി ഉത്തരകൊറിയൻ മാധ്യമങ്ങൾ. രാജ്യത്തെ പുതിയ വളം ഫാക്ടറി കിം ജോങ് ഉൻ ഉദ്ഘാടനം ചെയ്തതായി മാധ്യമങ്ങൾ റിപ്പോർട്ട് ചെയ്തു. ഉത്തരകൊറിയൻ വാർത്താ ഏജൻസിയാണ് വാർത്ത റിപ്പോർട്ട് ചെയ്തത്. പ്യോംഗ്യാംങിൽ നടന്ന പരിപാടിയുടെ ചിത്രങ്ങളും പുറത്തുവിട്ടു
കിം ജോങ് ഉന്നിന്റെ ആരോഗ്യസ്ഥിതിയെ സംബന്ധിച്ച് നിരവധി വാർത്തകൾ പ്രചരിച്ചതിന് പിന്നാലെയാണ് അദ്ദേഹം പൊതുവേദിയിൽ എത്തിയതായി ഉത്തരകൊറിയൻ മാധ്യമങ്ങൾ റിപ്പോർട്ട് ചെയ്യുന്നത്.
ശസ്ത്രക്രിയയെ തുടര്ന്ന് കിമ്മിന്റ ആരോഗ്യനനില ഗുരുതരമാണെന്ന് യുഎസ് ഔദ്യോഗിക വൃത്തങ്ങളെ ഉദ്ധരിച്ച് യുഎസ് മാധ്യമങ്ങളാണ് നേരത്തെ വാര്ത്ത റിപ്പോര്ട്ട് ചെയ്തത്. ചില മാധ്യമങ്ങള് കിമ്മിന് മസ്തിഷ്ക മരണം സംഭവിച്ചതായും റിപ്പോര്ട്ട് ചെയ്തു.
ഹൃദയസംബന്ധമായ രോഗത്തിന് കിം ചികിത്സയിലായിരുന്നുവെന്ന് ദക്ഷിണ കൊറിയന് മാധ്യമങ്ങള് റിപ്പോര്ട്ട് ചെയ്തിരുന്നു. ഉത്തരകൊറിയന് വാര്ഷികാഘോഷങ്ങളില് കിമ്മിന്റെ അസാന്നിധ്യം ഏറെ അഭ്യൂഹങ്ങള് സൃഷ്ടിച്ചിരുന്നു.
ഉത്തരകൊറിയയുടെ സ്ഥാപകന് കിമ്മിന്റെ മുത്തച്ഛന്റെ ജന്മദിനമാണ് വാര്ഷികമായി ആചരിക്കുക. എന്നാല്, ഇത്തവണത്തെ ചടങ്ങുകള്ക്ക് കിം പങ്കെടുത്തിരുന്നില്ല.
ഏപ്രില് 11ന് വര്ക്കേഴ്സ് പാര്ട്ടി പൊളിറ്റ് ബ്യൂറോയിലാണ് കിം അവസാനമായി പങ്കെടുത്തത്. ഈ യോഗത്തിന് ശേഷമാണ് കിം ചികിത്സക്ക് തിരിച്ചത്. എന്നാല് വാര്ത്തകള് സംബന്ധിച്ച് പ്രതികരിക്കാന് ഉത്തരകൊറിയ തയ്യാറായിട്ടില്ല.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here