തിരുവനന്തപുരം: ഇന്ന് കൊവിഡ് സ്ഥിരീകരിച്ച മൂന്നുപേര് ഗള്ഫില് നിന്ന് ആദ്യ ദിനം മടങ്ങിയെത്തിയ സംഘത്തിലുള്ളവര്.
ഏഴാം തീയ്യതി അബുദാബിയില് നിന്ന് കൊച്ചിയിലെത്തിയ സംഘത്തിലുണ്ടായിരുന്നവരാണ് മൂവരും. മലപ്പുറം, അങ്ങാടിപ്പുറം സ്വദേശിയായ 34കാരനും തൃശൂര് മെഡിക്കല് കോളേജില് ചികിത്സയിലുള്ള ദമ്പതികള്ക്കുമാണ് ഇന്ന് രോഗം സ്ഥിരീകരിച്ചത്.
ഇതോടെ ആദ്യ ദിനമെത്തിയ സംഘത്തിലെ അഞ്ച് പേര്ക്ക് ഇതുവരെ കൊവിഡ് ബാധ സ്ഥിരീകരിച്ചു
ഇന്ന് രോഗം സ്ഥിരീകരിച്ച അങ്ങാടിപ്പുറം മഞ്ചേരി മെഡിക്കല് കോളേജ് ആശുപത്രിയില് ചികിത്സയിലാണ്. തൃശൂരില് ചികിത്സയിലുള്ള ദമ്പതികള് നേരത്തെ ഗുരുവായൂരില് നിരീക്ഷണത്തില് കഴിയുകയായിരുന്നു. ആദ്യ ദിനമെത്തിയ രണ്ട് പേര്ക്ക് ഇന്നലെയും കോവിഡ് സ്ഥിരീകരിച്ചിരുന്നു.
അബുദാബി – കൊച്ചി വിമാനത്തിലെത്തിയ എടപ്പാള് നടുവട്ടം സ്വദേശിയായ 24കാരനാണ് ഇന്നലെ രോഗം സ്ഥിരീകരിച്ചവരിലൊരാള്. വിമാനത്താവളത്തില് വെച്ചുതന്നെ രോഗ ലക്ഷണങ്ങള് പ്രകടിപ്പിച്ചതിനെ തുടര്ന്ന് ഇയാളെ അന്നുതന്നെ കളമശേരി മെഡിക്കല് കോളേജിലേക്ക് മാറ്റിയിരുന്നു.
ദുബായ്-കോഴിക്കോട് വിമാനത്തില് വന്ന കോട്ടയ്ക്കല് ചാപ്പനങ്ങാടി സ്വദേശിയായ 39കാരനും ഇന്നലെ രോഗം സ്ഥിരീകരിച്ചിരുന്നു. വൃക്ക സംബന്ധമായ അസുഖത്തെ തുടര്ന്ന് വിമാനത്താവളത്തില് നിന്ന് നേരെ കോഴിക്കോട് മെഡിക്കല് കോളേജിലേക്കാണ് ഇദ്ദേഹത്തെ മാറ്റിയിരുന്നത്. അവിടെ നടത്തിയ പരിശോധനയില് രോഗം സ്ഥിരീകരിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here