ഫിഫ അണ്ടര്‍-17 ലോകകപ്പ് അടുത്ത വര്‍ഷം ഫെബ്രുവരി 17 മുതല്‍ മാര്‍ച്ച് ഏഴു വരെ ഇന്ത്യയില്‍ നടക്കും.
കൊല്‍ക്കത്ത, ഭുവനേശ്വര്‍, നവി മുംബൈ, അഹമ്മദാബാദ്, ഗുവാഹത്തി എന്നിങ്ങനെ അഞ്ച് നഗരങ്ങളാണ് ലോകകപ്പിന് വേദിയാകുകയെന്ന് ഫിഫ വാര്‍ത്താക്കുറിപ്പില്‍ അറിയിച്ചു.
ഈ വര്‍ഷം നവംബര്‍ രണ്ടു മുതല്‍ 21 വരെ നടക്കേണ്ടിയിരുന്ന ലോകകപ്പ് കൊറോണ വൈറസ് വ്യാപനത്തെ തുടര്‍ന്ന് നീട്ടിവെയ്ക്കുകയായിരുന്നു. 16 രാജ്യങ്ങളാണ് ലോകകപ്പില്‍ പങ്കെടുക്കുന്നത്.
ഏഷ്യയില്‍ നിന്ന് ജപ്പാനും ഉത്തര കൊറിയയുമാണ് ലോകകപ്പിന് യോഗ്യത നേടിയ രാജ്യങ്ങള്‍. ആതിഥേയരെന്ന നിലയില്‍ ഇന്ത്യയും മത്സരിക്കും.
ആഫ്രിക്ക, യൂറോപ്പ്, ഒഷ്യാന, തെക്കേ അമേരിക്ക, വടക്കേ അമേരിക്ക, കരീബിയന്‍ മേഖലകളിലെ യോഗ്യതാ മത്സരങ്ങള്‍ കൊറോണ വ്യാപനത്തെ തുടര്‍ന്ന് ഇതുവരെ നടന്നിട്ടില്ല.
ഈ യോഗ്യതാ മത്സരങ്ങള്‍ക്ക് ശേഷമാണ് ശേഷിക്കുന്ന 13 ടീമുകളെ കണ്ടെത്തുക. 2017-ല്‍ കൊച്ചി ഉള്‍പ്പെടെയുള്ള വേദികളിലായി ഇന്ത്യ പുരുഷ അണ്ടര്‍-17 ലോകകപ്പ് വിജയകരമായി നടത്തിയിരുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ താഴെ ലിങ്കില്‍ ക്ലിക്ക് ചെയ്യുക.
Click Here
