കൊച്ചി: കള്ളപ്പണം വെളുപ്പിച്ചെന്ന പരാതി നല്കിയ ആളെ ഭീഷണിപ്പെടുത്തിയെന്ന പരാതിയില് മുന് മന്ത്രി വി കെ ഇബ്രാഹിം കുഞ്ഞിനും മകനുമെതിരെ വിജിലന്സ് അന്വേഷണത്തിന് ഹൈക്കോടതി ഉത്തരവ്.
വിജിലന്സ് ഐജി രണ്ടാഴ്ചക്കുള്ളില് അന്വേഷണ റിപ്പോര്ട്ട് നല്കണമെന്ന് ഹൈക്കോടതി ഉത്തരവിട്ടു. പരാതി പിന്വലിക്കാന് ഭീഷണിപ്പെടുത്തിയെന്നും അഞ്ച് ലക്ഷം രൂപ വാഗ്ദാനം ചെയ്തെന്നും പരാതിക്കാരനായ ഗിരീഷ് ബാബു ഹൈക്കോടതിയെ അറിയിച്ചു.
കള്ളപ്പണം വെളുപ്പിച്ചെന്ന പരാതിയില് മുന് പൊതുമരാമത്ത് മന്ത്രിയും മുസ്ലിം ലീഗ് നേതാവുമായ ഇബ്രാഹിം കുഞ്ഞിനെതിരെ എന്ഫോഴ്സ്മെന്റ് ഡയറ്കടറേറ്റ് കേസെടുത്തിരുന്നു.
ചന്ദ്രിക ദിനപത്രം കള്ളപ്പണം വെളുപ്പിക്കല് കേസിലെ പരാതിക്കാരനാണ് ഗിരീഷ് ബാബു. ചന്ദ്രിക പത്രത്തിന്റെ ഡയറക്ടര് ബോര്ഡ് അംഗമാണ് വി കെ ഇബ്രാഹിംകുഞ്ഞ്.
2016 നവംബറില് നോട്ട് നിരോധനം നിലവില് വന്നതിന് തൊട്ടു പിന്നാലെ പത്രത്തിന്റെ കൊച്ചിയിലുളള രണ്ട് ബാങ്ക് അക്കൗണ്ടുകളിലായി പത്ത് കോടി രൂപ നിക്ഷേപിച്ചത് സംബന്ധിച്ചാണ് കേസ്. പാലാരിവട്ടം പാലം അഴിമതിയിലൂടെ ലഭിച്ച കോഴപ്പണമാണിതെന്നാണ് ആരോപണം.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here