തിരുവനന്തപുരം: പ്രതിച്ഛായ വര്ധിപ്പിക്കാന് സര്ക്കാര് പിആര് ഏജന്സികളെ ചുമതലപ്പെടുത്തിയിട്ടുണ്ടെന്ന പ്രതിപക്ഷ ആരോപണത്തിന് മറുപടിയുമായി മുഖ്യമന്ത്രി പിണറായി വിജയന്.
മറ്റാരുടെയെങ്കിലും ഉപദേശം തേടിയിട്ട് മറുപടി പറയുന്ന ആളാണ് താനെന്ന് സാമാന്യ ബുദ്ധിയുള്ള ആരും പറയില്ലെന്ന് മുഖ്യമന്ത്രി പറഞ്ഞു.
മുഖ്യമന്ത്രിയുടെ വാക്കുകള്:
”നിങ്ങള് കുറച്ചുകാലമായല്ലോ ഈ കയ്യിലും കുത്തി നടക്കുന്നു. ഇപ്പോള് പുതുതായിട്ട് വന്നതല്ലല്ലോ. ഞാനും കുറച്ചുകാലമായി ഈ കയ്യിലും കുത്തി ഇവിടെ നില്ക്കുന്നു. നമ്മള് തമ്മില് ആദ്യമായി കാണുകയല്ല. കുറെ കാലമായി കാണുകയാണ്. നമ്മള് തമ്മില് എങ്ങനെയാണ് സംസാരിക്കേണ്ടത് എന്നതിന് മറ്റാരുടെയെങ്കിലും ഉപദേശം തേടി മറുപടി പറയുന്ന ശീലമാണ് എനിക്കുള്ളതെന്ന് സാമാന്യബുദ്ധിയുള്ള ആരും പറയില്ല.”
”നിങ്ങള് ഒരുപാട് ചോദ്യങ്ങള് ചോദിക്കുന്നല്ലേ? ഞാന് അതിനെല്ലാം മറുപടി പറയുന്നത് പിആര് ഏജന്സിയെ ബന്ധപ്പെട്ടാണോ? നിങ്ങള്ക്ക് എന്ത് ചോദിക്കണമെന്ന് ചിലപ്പോള് നിര്ദേശം വരാറുണ്ട്. ഞാന് ഫ്രീയായിട്ട് നില്ക്കുന്നു. നിങ്ങള് ഫ്രീയായിട്ട് ചോദിക്കുന്നു. ഏതെങ്കിലും ചോദ്യത്തിന് ഞാന് മറുപടി പറയാതിരിക്കുന്നുണ്ടോ? ഏതെങ്കിലും പിആര് ഏജന്സിയുടെ നിര്ദേശത്തിന് കാത്തുനില്ക്കുകയാണോ? എന്നെ ഈ നാടിന് അറിയില്ലേ? മറ്റുള്ളവര് പറയുന്നത് നിങ്ങള് ഏറ്റെടുത്തതുകൊണ്ടാണ് ഇത് പറയുന്നത്.”
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here