കൊച്ചി: സംസ്ഥാനത്തിന്റെ കൊവിഡ് പ്രതിരോധ പ്രവര്ത്തനങ്ങളെക്കുറിച്ച് വിശദീകരിച്ചുകൊണ്ട് ബിബിസിക്ക് നല്കിയ അഭിമുഖത്തില് സംഭവിച്ച തെറ്റ് തിരുത്തി ആരോഗ്യമന്ത്രി കെകെ ശൈലജ ടീച്ചര്.
ശൈലജ ടീച്ചറിന്റെ വാക്കുകള്:
കോവിഡ്-19 പ്രതിരോധത്തില് മാതൃകയായ കേരളത്തെ പ്രതിനിധീകരിച്ച് ബി.ബി.സി വേള്ഡില് കഴിഞ്ഞ ദിവസം സംസാരിക്കാനുള്ള അവസരം ലഭിച്ചിരുന്നു. മുഖ്യമന്ത്രിയുടെ നേതൃത്വത്തില് കേരളം കൈവരിച്ച മികച്ച പ്രവര്ത്തനങ്ങള്ക്കുള്ള അംഗീകാരമായിരുന്നു അത്.
കോവിഡ് പ്രതിരോധത്തില് പ്രവര്ത്തിക്കുന്ന ഓരോരുത്തര്ക്കുമുള്ള അഭിമാനകരമായ നിമിഷങ്ങളായിരുന്നു ആ ലൈവ് ഇന്റര്വ്യൂ.
216ലധികം ലോക രാഷ്ട്രങ്ങളില് കോവിഡ് ബാധിച്ച ഈ സമയത്താണ് കൊച്ച് കേരളത്തെ ലോകത്തിലെ തന്നെ പ്രമുഖ മാധ്യമം ഏറ്റെടുത്തത്.
കേരളത്തില് 3 മരണമാണ് ഉണ്ടായതെന്നും നാലാമത്തെ മരണം ചികിത്സാ സൗകര്യമില്ലാത്തതിനാല് ചികിത്സ തേടി കേരളത്തിലെത്തിയ കേന്ദ്രഭരണ പ്രദേശമായ പുതുച്ചേരിയുടെ ഭാഗമായ മാഹി സ്വദേശിയുടേതായിരുന്നു എന്നുമാണ് പറയാന് ഉദ്ദേശിച്ചത്.
എന്നാല് ഞാന് പറഞ്ഞു വന്നപ്പോള് ഗോവ എന്നായിപ്പോയി. തെറ്റായ പരാമര്ശം ഞാന് തിരുത്തുകയാണ്. തുടര്ന്നും എല്ലാവരുടേയും സഹകരണം പ്രതീക്ഷിക്കുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here