ബേസിൽ ജോസഫ് സംവിധാനം ചെയ്യുന്ന “മിന്നൽ മുരളി” എന്ന സിനിമയുടെ ഷൂട്ടിംഗിനു വേണ്ടി കലാസംവിധായകർ കാലടി പ്രദേശത്ത് തയ്യാറാക്കിയിരുന്ന ഒരു പള്ളിയുടെ സെറ്റ് ഒരു സംഘം മതഭീകരൻ ആക്രമിച്ച് തകർത്തിരിക്കുന്നു.
കലയ്ക്കും സാഹിത്യത്തിനുമെതിരെ സംഘപരിവാറും കൂട്ടാളികളും നടത്തിക്കൊണ്ടിരിക്കുന്ന നിരന്തര നീക്കത്തിൻ്റെ ഭാഗമായി നടന്ന ഈ അക്രമത്തിൽ സംഘം ശക്തമായി പ്രതിഷേധിക്കുന്നു.
കോവിഡ് 19 പ്രതിരോധത്തിൻ്റെ ഈ പ്രതിസന്ധിഘട്ടത്തിൽ ജനങ്ങൾക്കിടയിലെ ഐക്യം തകർത്ത് അരക്ഷിതാവസ്ഥക്കു ശ്രമിക്കുന്ന ഇത്തരം സാമുഹ്യവിരുദ്ധർക്കെതിരെ ശക്തമായ നിയമനടപടി ഉണ്ടാവണം.
ജനങ്ങളുടെ വലിയ അവലംബമായ സിനിമ എന്ന കലാരൂപം ഇന്ന് വലിയ പ്രതിസന്ധിയിലാണ്. മഹാവ്യാധിയുമായി ബന്ധപ്പെട്ട നിയന്ത്രണങ്ങളുടെ ഭാഗമായി സിനിമാ മേഖല പാടെ സ്തംഭിച്ചിരിക്കുന്നു.
ഈ സന്ദർഭത്തിൽ പ്രിയപ്പെട്ട ഈ ജനകീയകലക്കെതിരെ നടക്കുന്ന മതഭീകരനീക്കത്തെ തിരിച്ചറിയാനും ചെറുത്തു തോൽപ്പിക്കാനും ജനങ്ങൾ ഒന്നടക്കം മുന്നോട്ടു വരണമെന്ന് സംഘം അഭ്യർത്ഥിക്കുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
