കൊവിഡ്; ആഗോള പട്ടികയിൽ ഇന്ത്യ ഏഴാമത്‌; രോഗികളുടെ എണ്ണം രണ്ട് ലക്ഷത്തിലേക്ക്

നാലാംഘട്ട അടച്ചിടൽ ഞായറാഴ്‌ച അവസാനിച്ചപ്പോൾ കൊവിഡ്‌‌ ബാധിതരുടെ എണ്ണത്തിൽ ഇന്ത്യ ആഗോള പട്ടികയിൽ ഏഴാമതായി. തുടർച്ചയായ മൂന്നാം ദിവസവും രാജ്യത്ത്‌ എണ്ണായിരത്തിലേറെ രോ​ഗികളും ഇരുന്നൂറിലേറെ മരണവും റിപ്പോർട്ടുചെയ്‌തു.

ഇന്ത്യയില്‍ കോവിഡ് രോഗികളുടെ എണ്ണം രണ്ട് ലക്ഷത്തിലേക്ക് അടുക്കുന്നു. മരണം 5400 പിന്നിട്ടു. മൂന്നുദിവസംകൊണ്ട് കാൽലക്ഷത്തോളം പേർ രോഗബാധിതരായി,എഴുന്നൂറോളം മരണം.

രോ​ഗികളുടെ എണ്ണത്തില്‍ ഇന്ത്യ ജർമ്മനി (1.83 ലക്ഷം)യെയും, ഫ്രാൻസി(1.89 ലക്ഷം)നെയുമാണ് പിന്തള്ളിയത്. സ്ഥിതി അതി-രൂക്ഷമായ മഹാരാഷ്ട്രയിൽ 89 പേർ കൂടി മരിച്ചു, പുതുതായി 2487 രോ​ഗികള്‍ റിപ്പോർട്ടുചെയ്‌തു.
ഇതിൽ . ധാരാവിയിൽ മാത്രം 38 പുതിയ രോഗികൾ ഉണ്ട്. ആകെ രോ​ഗികള്‍ 67655, മരണം 2286.

തമിഴ്‌നാട്ടിലും ദില്ലിയിലും കർണാടകയിലും രോ​ഗികളുടെ എണ്ണം ഞായറാഴ്‌ച ഒരു ദിവസത്തെ ഏറ്റവും ഉയർന്ന നിലയിലാണ്. തമിഴ്‌നാട്ടിൽ 1,149 പുതിയ രോഗികളും 13 മരണം ഉണ്ടായിട്ടുണ്ട്.

ആദ്യമായാണ് തമിഴ്‌നാട്ടിൽ രോ​ഗികളുടെ പ്രതിദിന എണ്ണം ആയിരം കടന്നത്. ചെന്നൈയില്‍ മാത്രം 809 രോ​ഗികള്‍. ആകെ രോ​ഗികള്‍ 22,333. മരണം 173.

ദില്ലിയിൽ നാലാംദിവസവും രോഗികള്‍ ആയിരം കടന്നു. ഞായറാഴ്‌ച 1149 രോഗികളും 57 മരണവും. ഞയറാഴ്ച ഗുജറാത്തിൽ 438 രോ​ഗികള്‍, 31 മരണം. ബംഗാളിൽ 371 രോഗികള്‍, 8 മരണം.

അതേസമയം ലോകത്താകെയുള്ള കൊവിഡ് ബാധിതരുടെ എണ്ണം 62.64 ലക്ഷത്തിലേക്ക് അടുക്കുകയാണ്. ഇതുവരെ ലോകത്താകെ 62,63,901 പേര്‍ക്കാണ് രോഗം സ്ഥിരീകരിച്ചത്. കഴിഞ്ഞ 24 മണിക്കൂറിനുള്ളില്‍ മാത്രം കോവിഡ് ബാധിച്ച് ലോകത്ത് 3200 പേരാണ് മരിച്ചത്. ഇതോടെ ആകെ മരണം 3.73 ലക്ഷം കടന്നു.