വിക്ടേഴ്സ് ചാനലിൽ ഓൺലൈൻ ക്ലാസുകളിൽ പഠിപ്പിക്കാനെത്തുന്ന അധ്യാപകരുടെ വീഡിയോകളും ഫോട്ടോകളും സാമൂഹ്യമാധ്യമങ്ങളിൽ ദുരുപയോഗിക്കുന്നവർക്ക് എതിരെ കർശന നടപടിയെടുക്കുമെന്ന് പൊലീസ് സൈബർ വിംഗ് അറിയിച്ചു.
കൊവിഡ് വ്യാപനത്തെ തുടർന്ന് സ്കൂളുകൾ തുറക്കാൻ കഴിയാത്ത സാഹചര്യത്തിൽ ഇന്നലെ മുതലാണ് സർക്കാർ വിക്ടേഴ്സ് ചാനലിൽ ക്ലാസുകൾ തുടങ്ങിയത്.
ക്ലാസ് എടുത്ത അധ്യാപികമാരുടെ വീഡിയോകളും ഫോട്ടോകളും സാമൂഹമാധ്യമങ്ങളിൽ ചിലർ മോശമായി പ്രചരിപ്പിച്ചിരുന്നു. ഇതേ തുടർന്നാണ് പൊലീസ് സൈബർ വിങ് ശക്തമായ നടപടിക്കൊരുങ്ങുന്നത്.
സംസ്ഥാന സർക്കാർ തുടക്കം കുറിച്ച ‘ഫസ്റ്റ് ബെൽ’ ഓൺലൈൻ സ്കൂൾ വിദ്യാഭ്യാസത്തിന് കുട്ടികളിൽനിന്നും രക്ഷിതാക്കളിൽ നിന്ന് വളരെയേറെ പ്രോൽസാഹനമാണ് ഇന്നലെതന്നെ ലഭിച്ചത്. മികച്ച അധ്യാപകരാണ് ക്ലാസുകൾ എടുക്കുന്നതും . അവരെയാണ് മോശം പരാമർശങ്ങളോെടെ ചിലർ അധിക്ഷേപിക്കുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here