മലപ്പുറം നിലമ്പൂര്‍ കൈപ്പിനിയില്‍ തരിശായിക്കിടന്നിരുന്ന 13 ഏക്കര്‍ സ്ഥലത്ത് കൃഷിയിറക്കി. സുഭിക്ഷ കേരളം പദ്ധതിയുടെ ഭാഗമായാണ് പദ്ധതി.
നിലമ്പൂര്‍ ചുങ്കത്തറയിലെ കൈപ്പിനിയാണിത്. 13 ഏക്കര്‍ ഭൂമിയാണ് മൂന്നുവര്‍ഷമായി തരിശായിക്കിടന്നിരുന്നത്. പെരിന്തല്‍മണ്ണ സ്വദേശിയുടെ ഉടമസ്ഥതയിലാണ് ഭൂമി.
സുഭിക്ഷകേരളം പദ്ധതിയുടെ ഭാഗമായാണ് ഈ ഭൂമിയില്‍ കൃഷിയിറക്കാന്‍ സി പി ഐ എം പ്രവര്‍ത്തകര്‍ തീരുമാനിച്ചത്. നിലമ്പൂര്‍ എം എല്‍ എ പി വി അന്‍വര്‍ പദ്ധതി ഉദ്ഘാടനം ചെയ്തു.
കാട് വെട്ടി, ട്രാക്ടര്‍ ഉപയോഗിച്ച് ഉഴുതുമറിച്ച് ഭൂമി കൃഷിയ്ക്കുയോഗ്യമാക്കി. സി പി ഐ എം പ്രവര്‍ത്തകരായ മുല്ലേരി സുബ്രമണ്യന്‍, എം യു ഷാജി, രാമ ചന്ദ്രന്‍ എന്നിവര്‍ ചേര്‍ന്നാണ് കൃഷിയിറക്കിയത്. കൃഷി വകുപ്പ് ഉദ്യോഗസ്ഥരും ചടങ്ങില്‍ പങ്കെടുത്തു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
