കൊച്ചി: വാരിയംകുന്നന് സിനിമയുടെ തിരക്കഥാകൃത്ത് സ്ഥാനത്ത് നിന്ന് മാറി നില്ക്കാന് തീരുമാനിക്കുന്നതായി റമീസ് അറിയിച്ചെന്ന് സംവിധായകന് ആഷിഖ് അബു. റമീസിന്റെ രാഷ്ട്രീയനിലപാടുകളോട് വ്യക്തിപരമായി ഒട്ടും തന്നെ യോജിപ്പില്ലെന്നും ആഷിഖ് അബു പറഞ്ഞു.
ആഷിഖ് അബുവിന്റെ വാക്കുകള്:
റമീസിന്റെ രാഷ്ട്രീയനിലപാടുകളോട് വ്യക്തിപരമായി ഒട്ടും തന്നെ യോജിപ്പില്ല. അദ്ദേഹത്തിന് എന്റെ രാഷ്ട്രീയ നിലപാടുകളോടും വിയോജിപ്പാക്കാനാണ് സാധ്യത.
മറ്റൊരു സംവിധായകനുമായി വാരിയംകുന്നന് എന്ന ചിത്രം നിര്മ്മിക്കുന്നതിനെ പറ്റിയുള്ള ചര്ച്ചകള് വര്ഷങ്ങളായി നടന്നുവരുന്നു. റമീസും ആദ്യം മുതല് തന്നെ ഈ ഉദ്യമത്തില് ഉണ്ടായിരുന്നയാളായി, ഇതിനായി റിസേര്ച്ചുകള് ചെയ്ത വ്യക്തിയുമായിട്ടാണ് ഞാനറിയുന്നത്.
മൂന്ന് നാല് മാസങ്ങള്ക്ക് മുന്പ് മാത്രം. സിനിമ പ്രഖ്യാപിച്ചതിന് ശേഷം റമീസിനെതിരെ ഉയര്ന്ന ആരോപണങ്ങളില് അദ്ദേഹത്തോട് വിശദീകരണം ആരായുകയും ചില കാര്യങ്ങളില് അദ്ദേഹം തെറ്റ്സമ്മതിക്കുകയും പരസ്യമായി ഫേസ്ബുക്കില് മാപ്പുപറയുകയും ചെയ്തു.
തന്റെ ഉദ്ധേശശുദ്ധിയുടെ മേല് സംശയത്തിന്റെ നിഴല് വീണ നിലക്ക് അത് റമീസ് വ്യക്തിപരമായി പൊതുസമൂഹത്തോടു വിശദീകരിക്കും. തന്റെ വിശ്വാസ്യത സമൂഹത്തെയും ടീമിനേയും ബോധ്യപെടുത്താന് റമീസിന് ബാധ്യതയുണ്ട്.
അതുവരെ വാരിയംകുന്നന് എന്ന സിനിമയുടെ തിരക്കഥാകൃത്തെന്ന സ്ഥാനത്തുനിന്ന് മാറി നില്ക്കാന് തീരുമാനിക്കുന്നതായി റമീസ് അറിയിച്ചിരിക്കുന്നു. സിനിമ മുന്നോട്ട്.
ആഷിഖ് അബു
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here