തിരുവനന്തപുരം: സംസ്ഥാനം സമൂഹവ്യാപനത്തിന്റെ ആശങ്കയില് നിന്ന് മുക്തരായിട്ടില്ലെന്നും കൂടുതല് ശ്രദ്ധയും ജാഗ്രതയും വേണമെന്ന് മുഖ്യമന്ത്രി പിണറായി വിജയന്.
മുഖ്യമന്ത്രിയുടെ വാക്കുകള്:
രോഗബാധിതരുടെ എണ്ണം കൂടുന്നു. സമൂഹവ്യാപനത്തിന്റെ ആശങ്കയില് നിന്ന് മുക്തരായിട്ടില്ല. കൂടുതല് ശ്രദ്ധയും ജാഗ്രതയും വേണം. പ്രതിരോധ ശേഷി കുറഞ്ഞവരും മറ്റ് രോഗങ്ങളുള്ളവരും പ്രത്യേക ശ്രദ്ധ അര്ഹിക്കുന്നു.
നിരീക്ഷണത്തിലുള്ളവരുടെ കുടുംബാംഗങ്ങളുടെ വിവരം ശേഖരിക്കും. ആംബുലന്സ് ആവശ്യത്തിന് ലഭ്യമാകുമെന്ന് ഉറപ്പാക്കും. എവിടെ ബന്ധപ്പെട്ടാല് ആംബുലന്സ് ലഭിക്കുമെന്നതില് കൃത്യത ഉറപ്പാക്കും.
ടെലിമെഡിസിന് ഈ ഘട്ടത്തില് വലിയ ആശ്വാസമായി. അത് പ്രാദേശിക തലത്തിലും വ്യാപിപ്പിക്കും. എല്ലായിടത്തും സൗകര്യം വേണം. സ്വകാര്യ ആശുപത്രികളെ ഇതിന്റെ ഭാഗമാക്കും. കൊവിഡ് പ്രതിരോധം സര്ക്കാര് ആശുപത്രികളില് മാത്രമാണ്. ഈ അനുഭവം സ്വകാര്യ ആശുപത്രികളില് കൂടി പങ്കുവയ്ക്കും.
ട്രെയിനില് വരുന്നവര് നിരീക്ഷണം ഒഴിവാക്കാന് ശ്രമിക്കുന്നു. നല്ല ജാഗ്രതയോടെ ഇത് തടയും. പൊതു ഓഫീസുകള് അണുവിമുക്തമാക്കാന് കുടുംബശ്രീ സേവനം ഉപയോഗിക്കും. മാസ്ക് ധരിക്കാത്ത 5373 സംഭവം സംസ്ഥാനത്ത് ഇന്ന് റിപ്പോര്ട്ട് ചെയ്തു. നിരീക്ഷണം ലംഘിച്ച 15 പേര്ക്കെതിരെ ഇന്ന് കേസെടുത്തു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here