ലോകാരോഗ്യ സംഘടനയില് നിന്ന് അമേരിക്ക ഔദ്യോഗികമായി പിന്മാറി. തീരുമാനം വൈറ്റ് ഹൗസ് ഔദ്യോഗികമായി ഐക്യരാഷ്ട്ര സഭ സെക്രട്ടറി ജനറലിനെ അറിയിച്ചു.
വൈറ്റ് ഹൗസിലെയും ലോകാരോഗ്യ സംഘടനയിലെയും ഉന്നത വൃത്തങ്ങള് ഇക്കാര്യം സ്ഥിരീകരിച്ചതായി ബിബിസി അടക്കമുള്ള അന്താരാഷ്ട്ര മാധ്യമങ്ങളാണ് റിപ്പോര്ട്ട് ചെയ്തത്.
ലോകാരോഗ്യ സംഘടനയില് നിന്ന് ഒരു രാജ്യത്തിന് പുറത്തുപോകാനുള്ള തീരുമാനം ഒരു വര്ഷം മുന്പ് അറിയിക്കണമെന്നാണ് ചട്ടം. അതിനാല് അടുത്ത വര്ഷം ജൂലൈ 6 മുതല് ഈ തീരുമാനം പ്രാബല്യത്തില് വരും.
കോവിഡ് വിഷയത്തില് ലോകാരോഗ്യ സംഘടന ചൈനയ്ക്ക് അനുകൂലമായി നിലപാടെടുക്കുന്നുവെന്ന ആരോപണവുമായി അമേരിക്കന് പ്രസിഡന്റ് ഡോണാള്ഡ് ട്രംപ് നേരത്തെ തന്നെ രംഗത്തെത്തിയിരുന്നു.
ലോകാരോഗ്യ സംഘടനയില് നിന്ന് അമേരിക്ക പിന്മാറുമെന്ന് ഭീഷണിപ്പെടുത്തുകയും സംഘടനയ്ക്കുള്ള ധനസഹായം നിര്ത്തലാക്കുകയും ചെയ്തിരുന്നു. കൊവിഡ് വ്യാപനത്തിന് പിന്നില് ചൈനയാണെന്നും ലോകാരോഗ്യ സംഘടന ചൈനയെ സംരക്ഷിക്കാന് ശ്രമിക്കുകയുമാണെന്നുമാണ് സംഘടനയ്ക്കെതിരെ തിരിയാന് കാരണമെന്നായിരുന്നു ട്രംപിന്റെ വാദം.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here