കൊച്ചി: തിരുവനന്തപുരത്തുനിന്നും ഹൃദയവുമായി പുറപ്പെട്ട ഹെലികോപ്റ്റര്‍ കൊച്ചിയിലെ ലിസി ആശുപത്രിയിലെത്തി.
ഉച്ചയ്ക്ക് 2.42നാണ് ഇടപ്പള്ളിയിലെ ഗ്രാന്റ് ഹയാത്ത് ഹോട്ടലിലെ ഹെലിപ്പാഡില്‍ ഹെലികോപ്റ്റര്‍ ഇറങ്ങിയത്. അവിടെ നിന്ന് റോഡ് മാര്‍ഗമാണ് ലിസി ആശുപത്രിയിലെത്തിച്ചത്.
തൃപ്പൂണിത്തുറ സ്വദേശിക്ക് വേണ്ടിയാണ് ഹൃദയമെത്തിച്ചത്. ഗതാഗതതടസം ഒഴിവാക്കാന്‍ റോഡ് ബ്ലോക്ക് ചെയ്ത് പൊലീസ് ആവശ്യമായ സുരക്ഷയൊരുക്കിയിരിക്കുന്നു.
സര്‍ക്കാര്‍ വാടകയ്ക്കെടുത്ത ഹെലികോപ്റ്ററില്‍ ഇത് രണ്ടാം തവണയാണ് തിരുവനന്തപുരത്ത് നിന്ന് കൊച്ചിയിലേക്ക് ഹൃദയമെത്തിക്കുന്നത്. കൊട്ടാരക്കര എഴുകോണ്‍ സ്വദേശി അനുജിത്തിന്റെ ഹൃദയമാണ് ദാനം ചെയ്തത്.
എട്ടുമാസം മുന്‍പാണ് 51 കാരനായ സണ്ണി തോമസ് സര്‍ക്കാരിന്റെ മൃദുസഞ്ജീവിനി പദ്ധതിയില്‍ രജിസ്റ്റര്‍ ചെയ്തത്. ഇപ്പോഴാണ് അദ്ദേഹത്തിന് അനുയോജ്യമായ രക്തഗ്രൂപ്പിലുള്ള ഹൃദയം ലഭിച്ചത്.
ഇന്ന് രാവിലെയാണ് അനുജിത്തിന്റെ മരണം സ്ഥിരീകരിച്ചത്. വാഹനാപകടത്തില്‍ പരുക്കേറ്റയായിരുന്നു അനുജിത്ത് മരിച്ചത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
