രാജ്യത്ത് കോവിഡ് ബാധിതര് 12 ലക്ഷം കടന്നു. മരണം മുപ്പതിനായിരത്തോടടുത്തു. രോഗികള് പത്തുലക്ഷത്തില്നിന്ന് 12 ലക്ഷമായത് ആറുദിവസത്തിനുള്ളിൽ. ഒറ്റദിവസത്തെ മരണം 700 കടന്നു. ഓരോ മൂന്നുദിവസവും ലക്ഷം രോഗികള്.
ആഗസ്ത് ആദ്യവാരത്തോടെ രോഗികള് 20 ലക്ഷം കടന്നേക്കാം. ജൂലൈ ഒന്നുമുതൽ 21 വരെയുള്ള മൂന്നാഴ്ച ആറുലക്ഷത്തിലേറെ രോഗികള്. ജൂൺ 30ന് രോഗികള് 5.86 ലക്ഷം, 21 ദിവസംകൊണ്ട് ഇരട്ടിയിലേറെയായി. മൂന്നാഴ്ചയില് 11361 മരണം.
കുതിച്ചുകയറി സംസ്ഥാനങ്ങൾ
ഒറ്റദിവസത്തെ രോഗികളുടെ എണ്ണത്തില് മഹാരാഷ്ട്ര, തമിഴ്നാട്, ആന്ധ്ര, കർണാടകം, ബംഗാൾ എന്നിവിടങ്ങളില് ബുധനാഴ്ച ഏറ്റവും വലിയ കുതിപ്പുണ്ടായി. മഹാരാഷ്ട്രയിൽ ആദ്യമായി ഒറ്റദിവസം രോഗികള് പതിനായിരം കടന്നു. ആന്ധ്ര ആറായിരവും തമിഴ്നാട് അയ്യായിരവും കടന്നു. തമിഴ്നാട്ടിൽ മാർച്ചുമുതലുള്ള 444 മരണംകൂടി കോവിഡ് മരണങ്ങളായി സ്ഥിരീകരിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here