സ്വര്ണം കടത്തിയ കേസില് മുന് ഐടി സെക്രട്ടറി എം. ശിവശങ്കറിനെ എന്ഐഎ ഇന്ന് വീണ്ടും ചോദ്യം ചെയ്യും. കൊച്ചിയിലെ എന്.ഐ.എ ഓഫിസിലേക്ക് നോട്ടീസ് നല്കി വിളിച്ചുവരുത്തിയാണ് ചോദ്യം ചെയ്യുന്നത്. ശിവശങ്കർ പുലർച്ചെ നാലരയോടെ പൂജപ്പുരയിലെ വീട്ടിൽ നിന്നും കൊച്ചിയിലേക്ക് പുറപ്പെട്ടു. നിലവില് ശിവശങ്കര് സഞ്ചരിക്കുന്ന വാഹനം ആലപ്പുഴ ജില്ലയിലേക്ക് കടന്നു.
ചോദ്യം ചെയ്യലിനായി എന്ഐഎയുടെ മുതിര്ന്ന ഉദ്യോഗസ്ഥര് കൊച്ചിയില് എത്തിയിട്ടുണ്ട്. 50 ലധികം ചോദ്യങ്ങളാണ് ചോദ്യം ചെയ്യാനായി തയ്യാറാക്കിയിരിക്കുന്നത്.
വ്യാഴാഴ്ച തിരുവനന്തപുരത്ത് വച്ച് അഞ്ചുമണിക്കൂറിലേറെ ശിവശങ്കറിനെ ചോദ്യംചെയ്തിരുന്നു. കസ്റ്റംസിന് നല്കിയ മൊഴിയാണ് ശിവശങ്കര് അന്ന് ആവര്ത്തിച്ചത്. മൊഴി പൂര്ണമല്ലെന്ന് വ്യക്തമായതോടെയാണ് ചോദ്യംചെയ്യലിന് നോട്ടീസ് നല്കിയത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here