ഫസ്റ്റ് ബെല്‍: ക്ലാസുകളുടെ സമയക്രമത്തില്‍ മാറ്റം

ഓൺലൈൻ ക്ളാസായ ഫസ്റ്റ്ബെല്ലിൽ പ്ലസ്‍ ടു , അംഗനവാടി ക്ലാസുകളുടെ സംപ്രേഷണ സമയത്തില്‍ മാറ്റം വരുത്തി.

രാവിലെ 08.30 മുതല്‍ 10 :30 വരെ സംപ്രേഷണം ചെയ്തിരുന്ന പ്ലസ് ടു ക്ലാസുകള്‍ ഇനി രാവിലെ 8 മണി മുതല്‍ 10 മണി വരെ ആയിരിക്കും.

അംഗനവാടി കുട്ടികൾക്കുള്ള ‘കിളിക്കൊഞ്ചല്‍’ ക്ലാസുകള്‍ രാവിലെ 10 മണിയ്ക്ക് ആയിരിക്കും. നേരത്തെ ഇത് 8 മണിയ്ക്കായിരുന്നു.

തിങ്കളാ‍ഴ്ച മുതലാണ് മാറ്റം പ്രാബല്യത്തിൽ വരുക.കൊച്ചു കുട്ടികള്‍ക്ക് സൗകര്യപ്രദമായ രീതിയില്‍ സമയം പുനഃക്രമീകരിക്കണമെന്ന രക്ഷിതാക്കളുടെ അഭ്യര്‍ത്ഥന മാനിച്ചാണ് മാറ്റം.

മറ്റു ക്ലാസുകളുടേയും നിത്യേനയുള്ള പുനഃസംപ്രേഷണങ്ങളുടെയും സമയത്തില്‍ നിലവിൽ മാറ്റങ്ങളില്ലെന്ന് കൈറ്റ് സി.ഇ.ഒ. കെ.അന്‍വര്‍ സാദത്ത് അറിയിച്ചു.