സ്മാര്‍ട്ട് ഫോണ്‍ ഉപയോക്താക്കളുടെ പ്രിയപ്പെട്ട ചൈനീസ് ആപ്ലിക്കേഷന്‍ ടിക് ടോക്ക് നിരേധിച്ചതിന് പിന്നാലെ റീല്‍സ് എന്ന വിഡിയോ ഷെയറിങ് ഫീച്ചര്‍ അവതരിപ്പിക്കുകയാണ് ഇന്‍സ്റ്റഗ്രാം. ടിക് ടോക്കിന് പകരമായി എത്തിയ റീല്‍ ഇന്നുമുതലാണ് ഇന്‍സ്റ്റയില്‍ ലഭ്യമായി തുടങ്ങിയത്.
2019നവംബറില്‍ പുറത്തിറക്കിയ ഇന്‍സ്റ്റാഗ്രാമിന്റെ വീഡിയോ-മ്യൂസിക് റീമിക്‌സ് ഫീച്ചറായ റീല്‍സിന് ടിക് ടോക്കിന്റെ ജനപ്രീതി നേടിയെടുക്കാന്‍ സാധിച്ചിരുന്നില്ല. ടിക് ടോക്കിലുള്ള ഫീച്ചറുകളുടെ അഭാവമായിരുന്നു ഇതിന്റെ പ്രധാന കാരണം. എന്നാലിപ്പോള്‍ അപ്‌ഡേറ്റ് ചെയ്ത റീല്‍സ് ഫീച്ചര്‍ ആണ് ഇന്‍സ്റ്റഗ്രാം ഇന്ത്യയില്‍ അവതരിപ്പിച്ചത്. ബ്രസീല്‍, ഫ്രാന്‍സ്, ജെര്‍മനി എന്നീ രാജ്യങ്ങള്‍ക്ക് ശേഷം റീല്‍സ് അവതരിപ്പിക്കുന്ന നാലാമത്തെ രാജ്യമാണ് ഇന്ത്യ.
ഇന്‍സ്റ്റഗ്രാം ആപ്പില്‍ തന്നെ ഉള്‍പ്പെടുത്തിയിട്ടുള്ള ഒരു ഫീച്ചറാണ് റീല്‍സ്. 15 സെക്കന്‍ഡ് ദൈര്‍ഘ്യമുള്ള വീഡിയോകളാണ് റീല്‍സില്‍ തയ്യാറാക്കാനാവുക. ഇന്‍സ്റ്റഗ്രാമിലെ ക്യാമറ ഓപ്ഷന്‍ തുറന്നാല്‍ റീല്‍സ് ഇവിടെനിന്ന് തിരഞ്ഞെടുക്കാനാകും.
റീല്‍സ് വീഡിയോകള്‍ ഇന്‍സ്റ്റാഗ്രാം ഫീഡില്‍ പങ്കുവയ്ക്കാനാവും. പശ്ചാത്തല ശബ്ദമോ പാട്ടുകളോ ഇതില്‍ ചേര്‍ക്കാനും കഴിയും. ടിക് ടോക്കിലേത് പോലെ പാട്ടുകളുടെ വലിയ ശേഖരം റീല്‍സില്‍ ഒരുക്കിയിട്ടുണ്ട്. മറ്റ് വീഡിയോകളിലേതുപോലെ ശബ്ദം ഉപയോഗിച്ചും സ്വന്തം വീഡിയോ നിര്‍മിക്കാനാകും.
Related Posts
Get real time update about this post categories directly on your device, subscribe now.
