രാജ്യത്ത് കൊവിഡ് രോഗികളുടെ എണ്ണം 23 ലക്ഷത്തിലേക്ക് അടുക്കുന്നു. കഴിഞ്ഞ 24 മണിക്കൂറിനിടെ 53,601 പേർക്ക് കൂടി കൊവിഡ് സ്ഥിരീകരിച്ചു. തുടര്ച്ചയായ ദിവസങ്ങളില് പ്രതിദിനം 60,000ലധികം കൊവിഡ് കേസുകള് റിപ്പോര്ട്ട് ചെയ്തിരുന്ന ഇന്ത്യയില് കൊവിഡ് ബാധിതരുടെ എണ്ണത്തിലെ കുറവ് ആശ്വാസകരമാണ്.
രാജ്യത്തെ മരണസംഖ്യയിലും കുറവുണ്ട്. 24 മണിക്കൂറിനിടെ 871 പേര്ക്കാണ് ജീവന് നഷ്ടമായത്. കഴിഞ്ഞ ദിവസം ആയിരത്തിലധികം പേരാണ് വൈറസ് ബാധയെ തുടര്ന്ന് മരിച്ചത്.
നിലവില് 22,68,675 പേര്ക്കാണ് രാജ്യത്ത് കൊവിഡ് സ്ഥിരീകരിച്ചത്. 15,83,489 പേര് രോഗമുക്തരായി. നിലവില് 6,39,929 പേരാണ് വിവിധ ആശുപത്രികളില് ചികിത്സയില് കഴിയുന്നത്. ആകെ മരണസംഖ്യ 45000 കടന്നു. 45,257 പേര്ക്കാണ് ഇതുവരെ വൈറസ് ബാധയെ തുടര്ന്ന് ജീവന് നഷ്ടമായത്.
മഹാരാഷ്ട്രയില് ഇന്നലെ 9,181 പേര്ക്കാണ് കൊവിഡ് സ്ഥിരീകരിച്ചത്. 6,711 പേര് രോഗമുക്തി നേടി ആശുപത്രി വിട്ടു. ഇതോടെ സംസ്ഥാനത്തെ കൊവിഡ് രോഗികളുടെ എണ്ണം 5,24,513 ആയി.
ഇന്നലെ രോഗം ബാധിച്ച് 293 പേരാണ് മരിച്ചത്. ഇതുവരെ 18,050 പേരാണ് മരിച്ചത്. 1,47,735 സജീവ കേസുകളാണ് ഉളളതെന്നും 3,58,421 പേര് രോഗമുക്തിനേടി ആശുപത്രി വിട്ടതായും മഹാരാഷ്ട്ര ആരോഗ്യമന്ത്രാലയം അറിയിച്ചു. മുംബൈയിലാണ് കുടുതല് രോഗികള്. ഇതുവരെ 1,24,307 രോഗബാധിതര്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here