കന്യാസ്ത്രീയെ ബലാല്സംഗം ചെയ്ത കേസില് ഫ്രാങ്കോ മുളയ്ക്കലിനെ ഇന്ന് കുറ്റപത്രം വായിച്ച് കേള്പ്പിക്കും. കോട്ടയം അഡീഷണല് സെഷന്സ് കോടതിയാണ് കേസ് പരിഗണിക്കുന്നത്.
ഫ്രാങ്കോ മുളയ്ക്കലിനെതിരെ ചുമത്തിയിട്ടുള്ളത് ആറു വകുപ്പുകളാണ്. ആയിരം പേജുള്ള കുറ്റപത്രത്തില് മൂന്ന് ബിഷപ്പുമാരും 11 വൈദികരും 24 കന്യാസ്ത്രീകളും ഉള്പ്പടെ 84 സാക്ഷികളാണുള്ളത്.
ബലാത്സംഗം, അന്യായമായി തടവില് വയ്ക്കല്, അധികാരം ഉപയോഗിച്ച് സ്ത്രീയെ ലൈംഗീകമായി പീഡിപ്പിക്കല് ഉള്പ്പടെ ആറു വകുപ്പുകളാണ് ഫ്രാങ്കോ മുളയ്ക്കലിനെതിരെ ചുമത്തിയിരിക്കുന്നത്.
കേസില്നിന്ന് ഒഴിവാക്കണമെന്നാവശ്യപ്പെട്ട് ഫ്രാങ്കോ മുളയ്ക്കല് നല്കിയ ഹരജി നേരത്തെ സുപ്രീം കോടതി തള്ളിയിരുന്നു. കുറുവിലങ്ങാട് മഠത്തില് വച്ച് 2014-16 കാലയളവില് ബിഷപ്പ് ലൈംഗികമായി പീഡിപ്പിച്ചെന്ന് 2018 ജൂണ് 27 നാണ് കന്യാസ്ത്രീ പരാതി നല്കിയത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here