കരിപ്പൂര് വിമാന ദുരന്ത പ്രദേശം സന്ദര്ശിച്ച മുഖ്യമന്ത്രി പിണറായി വിജയന് ഉള്പ്പെടെയുള്ളവര് സ്വയം നിരീക്ഷണത്തില് പ്രവേശിച്ചു. മലപ്പുറം കലക്ടര്ക്കും ജില്ലാപോലിസ് മേധാവിക്കും കൊവിഡ് സ്ഥിരീകരിച്ച സാഹചര്യത്തിലാണിത്.
കരിപ്പൂര് വിമാനത്താവളം സന്ദര്ശിച്ച ഇ പി ജയരാജന്, കെകെ ശൈലജ ടീച്ചര്, രാമചന്ദ്രന് കടന്നപ്പള്ളി, എകെ ശശീന്ദ്രന്, ടി പി രാമകൃഷ്ണന്, ചീഫ് സെക്രട്ടറി, ഡിജിപി എന്നിവരും നിരീക്ഷണത്തില് പ്രവേശിച്ചു.
ഈ സാഹചര്യത്തില് നാളെ നടക്കുന്ന സ്വാതന്ത്ര്യ ദിന പരിപാടിയില് തിരുവനന്തപുരത്ത് സഹകരണ -ദേവസ്വം വകുപ്പ് മന്ത്രി കടകംപള്ളി സുരേന്ദ്രന് ദേശീയ പതാക ഉയര്ത്തും. മറ്റ് ജില്ലകളിലും സമാനമായ ക്രമീകരണം വരുത്തും.
മുഖ്യമന്ത്രി സ്വയം നിരീക്ഷണത്തിൽ പ്രവേശിച്ചതിനാൽ ഇനിയൊരറിയിപ്പു വരെ അദ്ദേഹത്തിൻ്റെ വാർത്താ സമ്മേളനം ഉണ്ടാകില്ല.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here