പീഡനകേസ് പ്രതി നിത്യാനന്ദ കൈലാസ പുതിയ ഹിന്ദു രാജ്യം സ്ഥാപിച്ചതായി റിപ്പോര്‍ട്ട്

പീഡനകേസിൽ പോലീസ് തെരയുന്ന നിത്യാനന്ദ കൈലാസ എന്ന പുതിയ ഹിന്ദു രാജ്യം സ്ഥാപിച്ചതായി ഒരു വെബ്‌സൈറ്റ് പോപ്പ് അപ്പ് ചെയ്തു.

നിത്യാനന്ദ തെക്കേ അമേരിക്കയിലെ ഇക്വഡോറിലെ ഒരു ദ്വീപിൽ ‘കൈലാസ റിപ്പബ്ലിക്’ സ്ഥാപിച്ചു. ലോകത്തിലെ ഏറ്റവും മികച്ചതും നിർമ്മലവുമായ ഹിന്ദു രാഷ്ട്രം ‘ എന്നാണ് അവകാശവാദം. ചില ഭക്തർ സ്വാധീനം ഉപയോഗിച്ച്. ഇക്വഡോർ സർക്കാരിൽ നിന്ന് ഈ ദ്വീപ് വാങ്ങിയതായും പറയപ്പെടുന്നു.

റിപ്പബ്ളിക്ക് ഓഫ് കൈലാസ എന്ന് നാമകരണം ചെയ്ത് നിത്യാനന്ദയുടെ ചിത്രം ആലേഖനം ചെയ്ത 100 രൂപയുടെ നോട്ടും പുറത്തിറക്കി.

രാജ്യത്തിന്റെ ‘പ്രധാനമന്ത്രി’, ‘കാബിനറ്റ്’ എന്നിവ അംഗീകരിച്ചവർക്ക് മാത്രമേ റിപ്പബ്ലിക് ഓഫ് കൈലാസയിൽ പ്രവേശനം അനുവദിക്കുകയുള്ളൂ.നിത്യാനന്ദന്റെ ഭക്തരും അദ്ദേഹത്തിന്റെ ആവശ്യത്തിനായി സംഭാവന ചെയ്യുന്നവരുമാണ് ഇവിടെ പ്രവേശനം നേടാൻ അർഹത.

തനിക്ക് പശുക്കളെ ഉണ്ടാക്കാൻ കഴിയും,കുരങ്ങനെകൊണ്ട് സംസ്കൃതത്തിൽ സംസാരിപ്പിക്കാനും സാധിക്കുമെന്നും നിത്യാനന്ദ അവകാശപ്പെടുന്നു.

തന്റെ ശിഷ്യന്മാരിൽ ഒരാളെ ബലാത്സംഗം ചെയ്തുവെന്നാരോപിക്കപ്പെട്ട നിത്യാനന്ദയെ കൈലാസ രാഷ്ട്രത്തിന്റെ സ്ഥാപകനും “പ്രബുദ്ധമായ നാഗരികതയുടെ പുനരുജ്ജീവനക്കാരനും” എന്നും ഇയാളുടെ വെബ്സൈറ്റ് വിശേഷിപ്പിക്കുന്നു.

ഇംഗ്ലീഷ്, തമിഴ്, സംസ്കൃതം സംസാരിക്കുന്ന “100 ദശലക്ഷം ആദി ശൈവികളും 2 ബില്യൺ ഹിന്ദുത്വം പരിശീലിക്കുന്ന” ജനസംഖ്യയുണ്ടെന്ന് വെബ്‌സൈറ്റ് പറയുന്നു.

നിതയന്ദയുടെ സർക്കാരിൽ ഹോംലാൻഡ് ആൻഡ് സെക്യൂരിറ്റി, ഫിനാൻസ്, പ്രബുദ്ധമായ നാഗരികത ഉൾപ്പെടെ 10 വകുപ്പുകളുണ്ട്.

ക്രിപ്റ്റോകറൻസി സ്വീകരിക്കുന്ന ഒരു ‘ധർമ്മ സമ്പദ്‌വ്യവസ്ഥ’, ഒരു ഹിന്ദു നിക്ഷേപ, റിസർവ് ബാങ്ക് എന്നിവയും ഈ ‘രാജ്യം’ അവകാശപ്പെടുന്നു.

രാജ്യത്തിനായി സംഭാവന നൽകണമെന്നും അതിലൂടെ “ഏറ്റവും വലിയ ഹിന്ദു രാഷ്ട്രമായ” കൈലാസയുടെ പൗരത്വം നേടാനുള്ള അവസരവും നൽകുമെന്നാണ് ഇയാളുടെ വാഗ്ദാനം.

കൈലാസക്ക് സ്വന്തമായി പാസ്‌പോർട്ട് ഉണ്ടെന്നും കൈലാസയിലെ ഒരു പൗരത്വത്തിനായി അപേക്ഷിക്കാമെന്നും വെബ്‌സൈറ്റ് പ്രഖ്യാപിക്കുന്നു.

“പൗരന്മാർക്ക് ഒരു കൈലാസ പാസ്‌പോർട്ട് നൽകും, ഈ പാസ്‌പോർട്ട് കൈവശമുള്ളയാൾക്ക് കൈലാസ ഉൾപ്പെടെ പതിനാല് ലോകങ്ങളിലും സൗജന്യ പ്രവേശനം അനുവദിക്കും എന്നാണ് മറ്റൊര് ഓഫർ.

നിത്യാനന്ദയുടെ രാജ്യത്തിന് സ്വന്തമായി ഒരു പതാകയും ചിഹ്നവുമുണ്ട്.കൈലാസയുടെ ദർശനം, അടിസ്ഥാനം, ഉദ്ദേശ്യം, ഘടന എന്നിവ വെബ്‌സൈറ്റ് വിവരിക്കുന്നു.

അഹമ്മദാബാദിലെ തന്റെ ആശ്രമത്തിനായി സംഭാവന ശേഖരിക്കാൻ കുട്ടികളെ തട്ടിക്കൊണ്ടുപോയി തെറ്റായി തടവിലാക്കിയതിന് നിത്യാനന്ദക്കെതിരെ കേസുണ്ട്.

ഇയാളും ഒരു തമിഴ് സിനിമാ നടിയുമായുള്ള സ്വാകാര്യ രംഗങൾ പുറത്തായതിനെ തുടർന്നാണ് നിത്യാനന്ദയുടെ പീഡന കഥകൾ പുറം ലോകം അറിയുന്നത്.