രതീഷ് സി. നായർക്ക് റഷ്യൻ വിദേശകാര്യമന്ത്രാലയത്തിന്റെ ബഹുമതി. തിരുവനന്തപുരത്തെ റഷ്യയുടെ ഓണററി കോൺസുലും റഷ്യൻ കൾച്ചറല് സെന്റര് ഡയറക്ടറുമായ രതീഷ് സി നായർ റഷ്യൻ വിദേശകാര്യ മന്ത്രാലയത്തിന്റെ ബഹുമതിയായ ബാഡ്ജ് ഫോർ കോഓപ്പറേഷന് അര്ഹനായി.
കോസുലർ രംഗത്ത്, പ്രത്യേകിച്ച് കോവിഡ് കാലത്ത് കേരളത്തിൽ കുടുങ്ങിയ റഷ്യൻ പൗരന്മാരെ നാട്ടിലെത്തിക്കുവാൻ ചെയ്ത സംഭാവനകളെ മുൻനിർത്തിയാണ് ബഹുമതി. ഇതുമായി ബന്ധപ്പെട്ട ഓർഡറിൽ റഷ്യയുടെ വിദേശകാര്യമന്ത്രി സെർഗെയ് ലാവറോവ് ഒപ്പുവച്ചു.
ഇരുപത് വർഷമായി റഷ്യൻ കൾച്ചറല് സെന്റര് ഡയറക്ടറായി പ്രവർത്തിക്കുന്ന രതീഷ് നായർ 2008 മുതൽ റഷ്യയുടെ ഓണററി കോൺസുലാണ്. റഷ്യൻ പ്രസിഡന്റിന്റെ പുഷ്കിൻ മെഡൽ ഉൾപ്പെടെ നിരവധി ബഹുമതികൾക്ക് അർഹനായ ഇദ്ദേഹം
തിരുവനന്തപുരം പാച്ചല്ലൂർ സ്വദേശിയാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here