മെക്സികോ സിറ്റി: ലോകപ്രശസ്ത കൊളംബിയന്‍ എഴുത്തുകാരന്‍ ഗബ്രിയേല്‍ ഗാര്‍സിയ മര്‍ക്വേസിന്റെ ഭാര്യ മെഴ്സഡസ് ബാര്‍ച (87) അന്തരിച്ചു. മെക്സികോ സിറ്റിയിലെ വസതിയിലായിരുന്നു അന്ത്യം. മെഴ്സഡസ് റേക്കല്‍ ബാര്‍ച പര്‍ഡോ എന്നാണ് മുഴുവന്‍ പേര്.
1958 ലായിരുന്നു മര്‍ക്വേസിന്റെയും ബാര്‍ചയുടെയും വിവാഹം. ‘ഗാബോ’ ഫൗണ്ടേഷന്റെ പ്രസിഡന്റുകൂടിയാണ് അവര്‍. ലോകമെമ്പാടും മര്‍ക്വേസിന് ആരാധകരെ നേടിക്കൊടുത്ത നോവലായ ‘ഏകാന്തതയുടെ നൂര്‍ വര്‍ഷങ്ങള്‍’ രചനയ്ക്ക് ഏറ്റവും സ്വാധീനമായത് ബാര്‍ചയായിരുന്നു.
2014 മാര്‍ച്ച് അവസാനമാണ് ശ്വാസകോശത്തിലും മൂത്രനാളിയിലുമുണ്ടായ അണുബാധയെ തുടര്‍ന്ന് മര്‍ക്വേസ് വിടപറയുന്നത്. പ്രശസ്ത ടെലിവിഷന്‍-സിനിമാ ഡയറക്ടറായ റൊഡ്രിഗോ ഗര്‍സിയ, ഗോണ്‍സാലോ ഗാര്‍സിയ എന്നിവരാണ് മക്കള്‍.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
