ജനപിന്‍തുണ നഷ്ടപ്പെട്ടവരാണ് പ്രതിപക്ഷം; ഉപതെരഞ്ഞെടുപ്പ് ഇതിന്‍റെ തെളിവാണ്; പ്രതിപക്ഷത്തിന് അവിശ്വാസ പ്രമേയം അവതരിപ്പിക്കാന്‍ അര്‍ഹതയില്ല: എസ് ശര്‍മ

ജനപിന്തുണ നഷ്‌ട‌പ്പെട്ട പ്രതിപക്ഷത്തിന് എങ്ങനെ അവിശ്വാസം കൊണ്ട് വരാൻ കഴിയുമെന്ന് എസ്‌ ശർമ്മ എംഎൽഎ. അവിശ്വാസ പ്രമേയത്തിൽമേൽ സംസാരിക്കുകയായിരുന്നു അദ്ദേഹം.

ജനങ്ങളുടെ പിന്തുണ നേടിയെടുക്കാൻ കഴിയാത്ത പ്രതിപക്ഷമാണ്‌ കേരളത്തിലുള്ളത്‌. അതിന്‌ തെളിവാണ്‌ വട്ടിയൂർക്കാവ്‌, കോന്നി, പാലാ തുടങ്ങിയ യുഡിഎഫ്‌ സീറ്റുകൾ ഉപതെരഞ്ഞെടുപ്പുകളിൽ എൽഡിഎഫിന്‌ വിജയിക്കാൻ കഴിഞ്ഞത്‌.

എൽഡിഎഫിന്‌ തുടർഭരണം ലഭിക്കുമെന്ന ഒരു ചാനൽ സർവ്വേ ഫലം പുറത്തുവന്നതുമുതൽ തുടങ്ങിയതാണ്‌ പ്രതിപക്ഷത്തിന്‌ ഈ വെപ്രാളം.

അമിത്‌ ഷായുടെ തലയുടെ കഥ പറഞ്ഞ്‌ പ്രമേയം അവതരിപ്പിക്കേണ്ട കാര്യം ഉണ്ടോയെന്ന്‌ പ്രതിപക്ഷം ചിന്തിക്കണം. യുപിഎ സർക്കാർ ചെയ്‌തുകൂട്ടിയ അഴിമതികൾ കോൺഗ്രസ്‌ മറന്നുപോകരുത്‌. കൽക്കരി, ട്രക്ക്‌, ടു ജി സ്‌പെക്‌ട്രം വിഷയങ്ങൾ കേരളത്തലെ ജനങ്ങൾ മറന്നുപോയിട്ടില്ല – ശർമ്മ പറഞ്ഞു.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here