തിരുവനന്തപുരം: ആരോഗ്യ രംഗത്തും, വിദ്യാഭ്യാസ രംഗത്തും അടുത്ത നൂറ് ദിവസത്തിനുളളില് വരാന് പോകുന്നത് സമൂലമായ പരിവര്ത്തനം. വരുന്ന നൂറുദിവസങ്ങളില് 153 കുടുംബാംരോഗ്യ കേന്ദ്രങ്ങള് ഉദ്ഘാടനം ചെയ്യും. ആരോഗ്യ മേഖലക്കായി 24 പുതിയ കെട്ടിടങ്ങള് പൂര്ത്തീകരിക്കും.
സ്കൂളുകളില് 11,400 സ്കൂളുകളില് ഹൈടെക് കമ്പ്യൂട്ടര് ലാബുകള് .സംസ്ഥാനത്തെ സര്ക്കാര്, എയ്ഡഡ് കോളേജുകളില് 150 പുതിയ കോഴ്സുകള് .രണ്ട് സര്വ്വകലാശാലകള്ക്കായി 126 കോടി രൂപയുടെ 32 കെട്ടിടങ്ങള് പൂര്ത്തീകരിക്കും.കോവിഡ് ടെസ്റ്റുകളുടെ എണ്ണം പ്രതിദിനം അരലക്ഷം ആയി ഉയര്ത്തും.
കോവിഡിനെതിരെ പൊതുആരോഗ്യ സംവിധാനത്തെ കൂടുതല് ശക്തിപ്പെടുത്തുക എന്നതിനാണ് സര്ക്കാരിന്റെ പ്രഥമ പരിഗണന. കോവിഡ് ആരംഭിച്ചതിന് ശേഷം 12050 ജീവനക്കാരെയാണ് ആരോഗ്യമേഖയില് സര്ക്കാര് പുതിയ നിയമനം നല്കിയത്. കോവിഡ് ടെസ്റ്റുകളുടെ എണ്ണം പ്രതിദിനം അരലക്ഷം ആയി ഉയര്ത്തും. സംസ്ഥാനത്തെ പ്രാഥമികാരോഗ്യ കേന്ദ്രങ്ങളെ ആശുപത്രിയുടെ സമ്പൂര്ണ്ണ സൗകര്യമുള്ള കുടുംബാരോഗ്യ കേന്ദ്രങ്ങളാക്കി മാറ്റുക സര്ക്കാരിന്റെ ലക്ഷ്യമാണ്.
ഇതുവരെ 386 കുടുംബാരോഗ്യ കേന്ദ്രങ്ങള് പൂര്ത്തിയാക്കി പ്രവര്ത്തനം ആരംഭിച്ചു. വരുന്ന നൂറുദിവസങ്ങളില് 153 കുടുംബാരോഗ്യ കേന്ദ്രങ്ങള് ഉദ്ഘാടനം ചെയ്യും. ഇവിടങ്ങളില് രാവിലെയും വൈകുന്നേരവും ഒപി ഉണ്ടാകും. മെഡിക്കല് കോളേജ്/ ജില്ലാ/ ജനറല് / താലൂക്ക് ആശുപത്രികളുടെ ഭാഗമായ 24 പുതിയ കെട്ടിടങ്ങള് പൂര്ത്തീകരിക്കും. 10 പുതിയ ഡയാലിസിസ് കേന്ദ്രങ്ങള്, 9 സ്കാനിംഗ് കേന്ദ്രങ്ങള്, 3 പുതിയ കാത്ത് ലാബുകള്, 2 ആധുനിക ക്യാന്സര് ചികിത്സാ സംവിധാനങ്ങള് എന്നിവ പൂര്ത്തീകരിക്കും.
2021 ജനുവരിയില് വിദ്യാലയങ്ങള് സാധാരണഗതിയില് തുറന്നുപ്രവര്ത്തിക്കാന് കഴിയുമെന്നാണ് കരുതുന്നത്.500 കുട്ടികളില് കൂടുതല് പഠിക്കുന്ന ഓരോ സ്കൂളിനും 5 കോടി രൂപ വീതം മുടക്കി നിര്മിക്കുന്ന 35 സ്കൂള് കെട്ടിടങ്ങളും 3 കോടി രൂപ ചെലവില് പണി തീര്ക്കുന്ന 14 സ്കൂള് കെട്ടിടങ്ങളും 100 ദിവസത്തിനകം ഉദ്ഘാടനം ചെയ്യും.
മറ്റ് 27 സ്കൂള് കെട്ടിടങ്ങളുടെയും പണി പൂര്ത്തിയാകും. 250 പുതിയ സ്കൂള് കെട്ടിടങ്ങളുടെ പണി ആരംഭിക്കും. 45,000 ക്ലാസ് മുറികള് ഹൈടെക്കാക്കി മാറ്റിയിട്ടുണ്ട്. സ്കൂളുകള് തുറക്കുമ്പോള് 11,400 സ്കൂളുകളില് ഹൈടെക് കമ്പ്യൂട്ടര് ലാബുകള് സജ്ജീകരിക്കും.
അഞ്ചുലക്ഷം കുട്ടികള്ക്ക് ലാപ്ടോപ്പുകള് എത്തിക്കുന്നതിനുള്ള വിദ്യാശ്രീ പദ്ധതി 100 ദിവസത്തിനുള്ളില് വിതരണം ആരംഭിക്കും.
18 കോടി രൂപയുടെ ചെങ്ങന്നൂര് ഐടിഐ അടക്കം നവീകരിച്ച 10 ഐടിഐകളുടെ ഉദ്ഘാടനം നിര്വ്വഹിക്കും. സംസ്ഥാനത്തെ സര്ക്കാര്, എയ്ഡഡ് കോളേജുകളില് 150 പുതിയ കോഴ്സുകള് അനുവദിക്കും. ആദ്യത്തെ 100 കോഴ്സുകള് സെപ്തംബര് 15നകം പ്രഖ്യാപിക്കും.
എ പി ജെ അബ്ദുള്കലാം സര്വ്വകലാശാല, മലയാളം സര്വ്വകലാശാല എന്നിവയ്ക്ക് സ്ഥിരം കാമ്പസിനുള്ള സ്ഥലമെടുപ്പ് പൂര്ത്തിയാക്കി ശിലാസ്ഥാപനം നടത്തും. 126 കോടി രൂപ മുതല്മുടക്കില് 32 ഉന്നതവിദ്യാഭ്യാസ സ്ഥാപനങ്ങള്ക്ക് നിര്മിക്കുന്ന കെട്ടിടങ്ങള് പൂര്ത്തീകരിക്കും. 100 ദിന കര്മ്മപരിപാടികളില് പ്രത്യേക പരിഗണയാണ് ആരോഗ്യ വിഭ്യാഭ്യാസ രംഗത്തിന് നല്കിയിരിക്കുന്നത്
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here