വര്ഷങ്ങളോളം തന്നെ അലട്ടിയ കൈമുട്ട് വേദന പൂര്ണമായി ഭേദപ്പെട്ടതിന്റെ സന്തോഷം പങ്കുവെച്ച് മലയാളികളുടെ പ്രിയ നടന് കുഞ്ചാക്കോ ബോബന്. വര്ഷങ്ങള്ക്കുശേഷം വര്ക്കൗട്ടിന്റെ ഭാഗമായി പുഷ്അപ്പ് എടുക്കുന്ന വിഡിയോ പങ്കുവച്ചാണ് തനിക്ക് കൈമുട്ട് വേദനയില് നിന്നു ആശ്വാസം ലഭിച്ച വിവരം ചാക്കോച്ചന് അറിയിച്ചത്.
കഴിഞ്ഞ പത്ത് വര്ഷത്തോളമായി തന്റെ തോളുകള്ക്ക് സാരമായ ലിഗമെന്റ് പ്രശ്നങ്ങള് ഉണ്ടായിരുന്നുവെന്നും കൈ അനക്കാന് പോലും പറ്റാത്ത അവസ്ഥയായിരുന്നുവെന്നും കുഞ്ചാക്കോ ബോബോന് പറയുന്നു. ഏറ്റവും ഇഷ്ടപ്പെട്ട ബാഡ്മിന്റണോ ക്രിക്കറ്റോ കളിക്കാനോ, എന്തിന് സിനിമയിലെ പാട്ടുസീനില് നായികമാരെ പൊക്കാനോ ഒന്നും തനിക്ക് കഴിഞ്ഞ 10 വര്ഷമായി കഴിഞ്ഞിരുന്നില്ലെന്ന് കുഞ്ചാക്കോ ബോബന് തമാശരൂപേണ പറയുന്നു.
തന്നെ ചികിത്സിച്ച ഡോ. മാമ്മന് അലക്സാണ്ടറിനും ട്രെയ്നര് ഷൈജന് അഗസ്റ്റിനും നന്ദിപറഞ്ഞുകൊണ്ടാണ് കുഞ്ചാക്കോ വിഡിയോ പങ്കുവച്ചിരിക്കുന്നത്. തനിക്ക് സുഖമില്ലാതിരുന്ന കാലത്ത് ട്രെയിനര് തന്നെ പരിശീലിപ്പിച്ചതും അന്ന് വേദന സഹിച്ച് പരിശീലിച്ചതും ഇപ്പോള് സ്വയം പരിശീലിക്കുന്നതും വിഡിയോയിലുണ്ട്
‘ഈ വീഡിയോ കാണുന്ന പലര്ക്കും നിസ്സാരമായി തോന്നാം. പക്ഷേ ഞാന് അനുഭവിച്ച സന്തോഷം അമൂല്യമായിരുന്നു. ഇത് ആര്ക്കെങ്കിലും ഉപകാരപ്പെട്ടെങ്കില് എനിക്ക് അതുമതി’- കുഞ്ചാക്കോ ബോബന് വീഡിയോയ്ക്കൊപ്പം ഫേസ്ബുക്കില് കുറിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here