കൊച്ചി: നടിയെ ആക്രമിച്ച കേസില് ദിലീപിനോട് വിശദീകരണം തേടി കോടതി. ദിലീപിന്റെ ജാമ്യം റദ്ദാക്കണമെന്നാവശ്യപ്പെട്ട് നല്കിയ ഹരജി പരിഗണിക്കുന്നത് വെള്ളിയാഴ്ചത്തേക്ക് മാറ്റുകയും ചെയ്തു. കേസില് നടന് മുകേഷിന്റെ സാക്ഷി വിസ്താരവും പൂര്ത്തിയായി.
സാക്ഷികളെ സ്വാധീനിക്കാന് ശ്രമിക്കരുതെന്നതടക്കം ഉപാധികളോടെയായിരുന്നു ജാമ്യം അനുവദിച്ചത്. എന്നാല് ഈ ഉപാധികള് നടന് ലംഘിച്ചെന്നാണ് അന്വേഷണ സംഘത്തിന്റെ ആരോപണം.
ദിലീപിനെതിരായ പ്രോസിക്യൂഷന് സാക്ഷികള് മൊഴി മാറ്റിയതിനെ തുടര്ന്നാണ് ജാമ്യം റദ്ദാക്കണമെന്നാവശ്യപ്പെട്ട് പൊലീസ് കോടതിയെ സമീപിച്ചത്. കേസിലെ പ്രധാന സാക്ഷിയെ സ്വാധീനിക്കാന് അഭിഭാഷകന് വഴി ശ്രമിച്ചെന്ന് ചൂണ്ടിക്കാട്ടിയാണ് പ്രോസിക്യൂഷന് കോടതിയില് അപേക്ഷ നല്കിയത്. ഇതിലാണ് കോടതി ദിലീപിനോട് വിശദീകരണം ആവശ്യപ്പെട്ടത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here