ഇടുക്കി: പതിമൂന്നുകാരിയെ പീഡിപ്പിക്കാന്‍ ശ്രമിച്ച കേസില്‍ ഇടുക്കിയില്‍ യുവാവ് അറസ്റ്റില്‍. ഇടവെട്ടി സ്വദേശി സിറാജിനെ കരിങ്കുന്നം പൊലീസാണ് അറസ്റ്റ് ചെയ്തത്.
റോഡിലൂടെ നടന്ന് പോകുകയായിരുന്ന പെണ്‍കുട്ടിയെ പീഡിപ്പിക്കാന്‍ ശ്രമിച്ച കേസിലാണ് ഇടവെട്ടി-നടയം ഭാഗത്ത് സിറാജ് അറസ്റ്റിലായത്. ഈ മാസം 11 ന് നെടിയശാല – പുറപ്പുഴ റോഡിലായിരുന്നു സംഭവം. ട്യൂഷന്‍ കഴിഞ്ഞ് മടങ്ങുകയായിരുന്ന പെണ്‍കുട്ടിയെ ബൈക്കിലെത്തിയ പ്രതി കയറിപ്പിടിക്കുകയായിരുന്നു.
രക്ഷിതാക്കള്‍ നല്‍കിയ പരാതിയില്‍, പ്രദേശത്തെ കടകളിലെ സിസിടിവി ദൃശ്യങ്ങളുടെ സഹയാത്തോടെയാണ് സിറാജിനെ പൊലീസ് പിടികൂടിയത്. പോക്സോ വകുപ്പ് പ്രകാരമാണ് കേസ് . നിരവധി മോഷണക്കേസുകളിലും ഇയാള്‍ പ്രതിയാണെന്ന് കരിങ്കുന്നം സിഐ പ്രിന്‍സ് ജോസഫ് പറഞ്ഞു.
കൊവിഡ് പരിശോധനകള്‍ക്ക് ശേഷം പ്രതിയെ കോടതിയില്‍ ഹാജരാക്കി റിമാന്റ് ചെയ്തു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
