സ്റ്റേറ്റ് അവാര്‍ഡ് സന്തോഷം പങ്കിട്ട്  തങ്കു; ഇന്ന് മുതൽ ലൗഡ്‌സ്പീക്കറിൽ സുശീലക്കൊപ്പം തങ്കുവും 

ഷൂട്ടിനിടയിൽ ആയിരുന്ന രശ്മി വാർത്തകൾ ഒന്നും അറിഞ്ഞിരുന്നില്ല . യാദൃശ്ചികമായി എം എ നിഷാദിനെ കാണുകയും രശ്മിക്ക് ആണ് അവാർഡ് എന്ന് എം എ നിഷാദ് അറിയിച്ചപ്പോൾ കണ്ണ് നിറഞ്ഞു പോയി എന്നാണ് രശ്മി അനിൽ പറഞ്ഞത് .ഈ അവാർഡിന്റെ സന്തോഷവും നന്ദിയും രശ്മി നൽകുന്നത്  ഒപ്പം ജോലിചെയ്ത ടീം അംഗങ്ങൾക്കാണ്.

സംസ്ഥാന സർക്കാരിന്റെ പുരസ്കാരത്തിന്റെ സന്തോഷത്തിൽ മറ്റൊരു സന്തോഷം കൂടി രശ്മിക്കുണ്ട് .ലൗഡ്‌സ്പീക്കറിലെ തങ്കുവായി  രശ്മി അനിൽ വീണ്ടും എത്തുന്നു  .സുശീലയും തങ്കുവും ടെലിവിഷൻ പ്രേക്ഷകരുടെ പ്രിയപ്പെട്ട ജോഡികളാണ് . സിനിമാലോകത്തെ കുഞ്ഞു കുഞ്ഞു തമാശകളും രഹസ്യങ്ങളുമൊക്കെയായി വളരെ ഹിറ്റായ ലൗഡ്‌ സ്പീക്കർ കോവിഡ് കാലത്തേ ഇടവേളയ്ക്കു ശേഷം വീണ്ടും ഇന്ന് മുതൽ  7 30  ന് ആരംഭിക്കുന്നു.

അവാർഡിനൊപ്പമുള്ള ഇരട്ടി മധുരമെന്നാണ് രശ്മി പറയുന്നത് .രശ്മിയും സ്നേഹയും ഇരട്ടകളാണോ എന്ന് എന്ന് പോലും ആരാധകർ  രശ്മിയോട്  ചോദിക്കാറുണ്ട് .സ്നേഹയുമായി ആണ് ഏറ്റവും നന്നായി  കോമഡി ചെയ്യാൻ കഴിയുന്നത് എന്നും രശ്മി കൈരളിയോട് കൂട്ടിച്ചേർത്തു.