ചെന്നൈ: പ്രശസ്ത ഗായകന് എസ്പി ബാലസുബ്രഹ്മണ്യത്തിന്റെ ആരോഗ്യനില അതീവ ഗുരുതരമെന്ന് മെഡിക്കല് ബുള്ളറ്റിന്.
കഴിഞ്ഞ 24 മണിക്കൂറിനിടെയാണ് അദ്ദേഹത്തിന്റെ ആരോഗ്യസ്ഥിതി മോശമായത്. വെന്റിലേറ്ററിന്റെ സഹായത്തോടെയാണ് ജീവന് നിലനിര്ത്തുന്നതെന്നും ഡോക്ടര്മാരുടെ സംഘം നിരീക്ഷിക്കുകയാണെന്നും ആശുപത്രി അധികൃതര് ഇറക്കിയ വാര്ത്താക്കുറിപ്പില് പറയുന്നു.
കൊവിഡ് ബാധയെ തുടര്ന്ന് ഓഗസ്റ്റ് അഞ്ചിനാണ് എസ്പിബിയെ ചെന്നൈ എംജിഎം ആശുപത്രിയില് പ്രവേശിപ്പിച്ചത്.
ആദ്യം വീട്ടില് ചികിത്സ തേടാമെന്ന് തീരുമാനിച്ചെങ്കിലും ആരോഗ്യനില വഷളായതോടെ വീണ്ടും ആശുപത്രിയിലാക്കി. തുടര്ന്ന് സെപ്തംബര് ഏഴിന് അദ്ദേഹം കൊവിഡ് മുക്തനായെന്ന വാര്ത്ത പുറത്തു വന്നു.
കൊവിഡ് മുക്തനായെങ്കിലും ആരോഗ്യസ്ഥിതി മെച്ചപ്പെടാത്തതിനാല് അദ്ദേഹം വെന്റിലേറ്ററില് തന്നെയാണെന്ന് അന്ന് മകന് എസ്പി ചരണ് അറിയിച്ചിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here