കൊച്ചി: നടിയെ ആക്രമിച്ച കേസില്‍ സാക്ഷികള്‍ക്കെതിരെ പരസ്യപ്രസ്താന നടത്തിയതിന് നടിയും നിര്‍മ്മാതാവുമായ റിമ കല്ലിങ്കല്‍ അടക്കമുള്ള സിനിമാ പ്രവര്‍ത്തകര്‍ക്കെതിരെ കോടതിയുടെ നോട്ടീസ്.
കേസിലെ പ്രതിയായ നടന്‍ ദിലീപിന്റെ പരാതിയിലാണ് കോടതി നോട്ടീസ് അയച്ചത്. സംവിധായകന്‍ ആഷിഖ് അബു നടിമാരായ റിമ കല്ലിങ്കല്‍, രമ്യ നമ്പീശന്‍, പാര്‍വതി തിരുവോത്ത്, രേവതി തുടങ്ങിയവര്‍ക്കെതിരെയാണ് കോടതി നോട്ടീസ് അയച്ചിരിക്കുന്നത്.
കേസിന്റെ വിചാരണ സംബന്ധിച്ച് മാധ്യമങ്ങള്‍ അടക്കം റിപ്പോര്‍ട്ട് ചെയ്യരുതെന്ന് ഉത്തരവുണ്ടായിരുന്നെന്നും നടപടി ക്രമങ്ങള്‍ പരസ്യപ്പെടുത്തരുതെന്നും വിചാരണ കോടതി പറഞ്ഞിരുന്നെന്നും എന്നാല്‍ ഇവര്‍ സോഷ്യല്‍മീഡിയയിലൂടെ കോടതി നടപടിക്രമം പ്രചരിപ്പിച്ചെന്നുമാണ് ദിലീപ് പരാതിയില്‍ പറയുന്നത്.
ഇത് കോടതിയലക്ഷ്യമാണെന്നും പരാതിയില്‍ പറയുന്നുണ്ട്. നേരത്തെ റിമ കല്ലിങ്കല്‍, രമ്യ നമ്പീശന്‍, രേവതി, ആഷിഖ് അബു, പാര്‍വതി തുടങ്ങി നിരവധി പേര്‍ കേസിലെ സാക്ഷികളുടെ മൊഴിമാറ്റത്തിനെതിരെ രംഗത്ത് എത്തിയിരുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ താഴെ ലിങ്കില്‍ ക്ലിക്ക് ചെയ്യുക.
Click Here
