വിഷവസ്തുക്കളോ രാസപദാര്ഥങ്ങളോ കലര്ത്തി മത്സ്യം വിറ്റാല് ഇനി ഒരു ലക്ഷം രൂപവരെ പിഴ. മീന് കച്ചവടവുമായി ബന്ധപ്പെട്ട തട്ടിപ്പുകളും ചൂഷണങ്ങളും ക്രിമിനല് കുറ്റമാകുന്ന 2020ലെ കേരള മത്സ്യലേലവും വിപണനവും ഗുണനിലവാര പരിപാലനവും ഓര്ഡിനന്സ് പ്രാബല്യത്തിലായി.
മത്സ്യങ്ങളില് വിഷം കലര്ത്തുന്നത് കണ്ടെത്തിയാല് 10,000 രൂപയാണ് പിഴ. രണ്ടാമതും ആവര്ത്തിച്ചാല് പിഴ 25,000 രൂപയാകും. വീണ്ടും ആവര്ത്തിച്ചാല് ഓരോ തവണയും ഒരുലക്ഷം രൂപ പിഴ അടയ്ക്കണമെന്ന് ഫിഷറീസ് വകുപ്പ് അറിയിച്ചു.
ആദ്യത്തെ കുറ്റകൃത്യത്തിന് 2 മാസം ജയില്വാസമോ ഒരു ലക്ഷം രൂപ പിഴയോ, രണ്ടും കൂടിയോ അനുഭവിക്കണം. 2-ാം തവണയും പിടിയിലായാല് ഒരു വര്ഷം വരെ ജയില്വാസം. പിഴ 3 ലക്ഷവും. രണ്ടില് കൂടുതല് തവണയായാല് ഒരുവര്ഷം ജയില് ശിക്ഷയ്ക്കൊപ്പം 3 ലക്ഷം രൂപ പിഴയും ലഭിക്കും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here