മന്ത്രി കെ ടി ജലീലിന്റെ വാഹനവ്യൂഹത്തിനു നേരെ അപകടകരമായ നിലയിൽ കാർ ഇടിച്ചുകയറ്റിയ സംഭവത്തിലെ പ്രതികളായ ബിജെപി–യുവമോർച്ച പ്രവർത്തകരുടെ മുൻകൂർ ജാമ്യാപേക്ഷ നിരസിച്ചു.
കേസിൽ ഒന്നു മുതൽ നാലുവരെ പ്രതികളായ യുവമോർച്ച ജില്ലാ വൈസ്‌ പ്രസിഡന്റ്‌ ജമുൻ ജഹാംഗീർ, വിഷ്ണു പ്രസാദ്, അഖിൽ, ഗോകുൽ എന്നിവരുടെ ജാമ്യാപേക്ഷയാണ്‌ കൊല്ലം പ്രിൻസിപ്പൽ സെഷൻസ് കോടതി ജഡ്ജ് സി സുരേഷ്‌കുമാർ (സീനിയർ)നിരസിച്ചത്‌.
സെപ്‌തംബർ 13ന്‌ തിരുവനന്തപുരത്തേക്കുള്ള യാത്രാമധ്യേ പാരിപ്പള്ളിയിൽ വച്ചാണ്‌ യുവമോർച്ചക്കാർ മന്ത്രിയുടെ വാഹനവ്യൂഹത്തിനുനേരെ അപകടകരമായി കാർ ഇടിച്ചുകയറ്റിയത്‌.
പൈലറ്റ് വാഹനത്തിനും മന്ത്രിയുടെ വാഹനത്തിനും എസ്കോർട്ട് വാഹനത്തിനും 75,000 രൂപയുടെ കേടുപാടുകൾ സംഭവിച്ചു. പാരിപ്പള്ളി പൊലീസാണ്‌ കേസെടുത്തത്‌. പ്രോസിക്യൂഷനുവേണ്ടി ജില്ലാ ഗവ. പ്ലീഡറും പബ്ലിക് പ്രോസിക്യൂട്ടറുമായ ആർ സേതുനാഥ് ഹാജരായി.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ താഴെ ലിങ്കില്‍ ക്ലിക്ക് ചെയ്യുക.
Click Here
