രാജ്യത്ത് കോവിഡ് ബാധിതർ 70 ലക്ഷത്തിലേക്ക്, മരണം 1.07 ലക്ഷം. മഹാരാഷ്ട്രയിൽ 15 ലക്ഷം രോഗികള്, മരണം നാൽപ്പതിനായിരത്തോടടുത്തു. 24 മണിക്കൂറില് 70496 രോഗികള്, 964 മരണം. മഹാരാഷ്ട്രയില് ഒറ്റദിനം മരണം 358. കർണാടക–- 101, തമിഴ്നാട്–- 68, ബംഗാൾ–- 63, യുപി–- 45, ആന്ധ്ര–- 42, ഡൽഹി–-37, മധ്യപ്രദേശും പഞ്ചാബും 29 വീതം മരണം.
ചികിൽസയിലുള്ളവരുടെ എണ്ണം വീണ്ടും 9 ലക്ഷത്തിന് താഴെയായി. രോഗം സ്ഥിരീകരിച്ചവരിൽ 12.94 ശതമാനമാണ് ചികിത്സയിലുള്ളത്. ആകെ രോഗമുക്തർ 59,06,069. രോഗമുക്തരിൽ 75 ശതമാനവും കേരളമടക്കം 10 സംസ്ഥാനങ്ങളില്.
രോഗക്കുതിപ്പിന് ഡല്ഹി
ശൈത്യകാലവും ഉത്സവ സീസണും അടുക്കവെ ഡൽഹിയിൽ പ്രതിദിനം 15000 വരെ രോഗികള് റിപ്പോര്ട്ട് ചെയ്യാമെന്ന് ദേശീയ പകർച്ചവ്യാധി നിയന്ത്രണ കേന്ദ്രം (എൻസിഡിസി) മുന്നറിയിപ്പ് നൽകി. ഇവരില് ഇരുപത് ശതമാനത്തിനെങ്കിലും ആശുപത്രിചികിത്സ വേണ്ടിവരും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here