കോവിഡ് മാനദണ്ഡങ്ങൾ ലംഘിച്ച് ഇരുന്നൂറോളം പേർ പങ്കെടുത്ത യോഗം നടത്തിയതിന് ബിജെപി സംസ്ഥാന പ്രസിഡന്റ് കെ സുരേന്ദ്രൻ, ജില്ലാ പ്രസിഡന്റ് ബി ബി ഗോപകുമാർ എന്നിവർ ഉൾപ്പെടെ നൂറോളം പേർക്കെതിരെ പൊലീസ് കേസെടുത്തു. സംസ്ഥാനത്ത് നിരോധനാജ്ഞ നിലനിൽക്കെയായിരുന്നു യോഗം ചേർന്നത്.
ഊറാംവിളയിലെ റോട്ടറി ക്ലബ് ഹാളിലായിരുന്നു യോഗം. എഴുപതോളം പേർക്കു മാത്രം പങ്കെടുക്കാവുന്ന ഹാളിലായിരുന്നു നേതാക്കൾ ഉൾപ്പെടെ ഒത്തുചേർന്നത്. സാമൂഹ്യ അകലം പാലിക്കാതെയും മാസ്ക് ധരിക്കാതെയുമായിരുന്നു പങ്കെടുത്തവരിലേറെയും.
നിരവധി കോവിഡ് കേസുകൾ ദിനംപ്രതി റിപ്പോർട്ട് ചെയ്യുന്ന പരവൂർ, കല്ലുവാതുക്കൽ പ്രദേശങ്ങൾ ഉൾപ്പെടെ ചാത്തന്നൂർ മണ്ഡലത്തിലെ വിവിധ സ്ഥലങ്ങളിൽനിന്നുള്ളവരാണ് യോഗത്തിനെത്തിയത്.
സംസ്ഥാന സെക്രട്ടറി രാജീവ് പ്രസാദ്, ജില്ലാ സെക്രട്ടറി വെള്ളിമൺ ദിലീപ്, ശ്രീകുമാർ, സജൻ ലാൽ ഉൽപ്പെടെയുള്ളവർക്കെതിരെയാണ് ചാത്തന്നൂർ പൊലീസ് കേസെടുത്തത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here