മലയാള സിനിമാമേഖലയെ ഞെട്ടിച്ച വെളിപ്പെടുത്തലുമായി വിജയ് യേശുദാസ്.
ഇനി മലയാള സിനിമയില് പാടില്ലെന്ന തീരുമാനമാണ് വിജയ് യേശുദാസ് സ്വീകരിച്ചിരിക്കുന്നത്. അവഗണന മടുത്തിട്ടാണ് മലയാള സിനിമയില് ഇനി പാടില്ലെന്ന തീരുമാനമെടുത്തതെന്നും ഒരു മാധ്യമത്തിന് നല്കിയ അഭിമുഖത്തില് വിജയ് യേശുദാസ് വ്യക്തമാക്കി.
വിജയ് യേശുദാസിന്റെ വാക്കുകള്: ”മലയാളത്തില് സംഗീത സംവിധായകര്ക്കും പിന്നണി ഗായകര്ക്കുമൊന്നും അര്ഹിക്കുന്ന വില കിട്ടുന്നില്ല. തമിഴിലും തെലുങ്കിലുമൊന്നും ഈ പ്രശ്നമില്ല. ആ അവഗണന മടുത്തിട്ടാണ് ഇങ്ങനെയൊരു തീരുമാനം എടുത്തത്.”
പിതാവ് യേശുദാസും സംഗീത ലോകത്ത് ദുരനുഭവങ്ങള് നേരിട്ടിട്ടുണ്ടെന്നും വിജയ് യേശുദാസ് പറയുന്നു.
മലയാള പിന്നണി ഗാനരംഗത്ത് എത്തി 20 വര്ഷം തികയുമ്പോഴാണ് വിജയി യേശുദാസിന്റെ പ്രഖ്യാപനം. പൂമുത്തോളെ എന്ന ഗാനത്തിലൂടെ കഴിഞ്ഞ വര്ഷത്തെ മികച്ച ഗായകനുള്ള സംസ്ഥാന അവാര്ഡ് വിജയ് യേശുദാസ് നേടിയിരുന്നു. മൂന്ന് സംസ്ഥാന അവാര്ഡുകളാണ് വിജയ് യേശുദാസ് നേടിയത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here