നിബന്ധനകളില്ലാത്ത സ്നേഹത്തിൻ്റെ പര്യായമാണ് മാതൃത്വം. അമ്മ മനസ്സിൻ്റെ വ്യത്യസ്തമായ തലം വർണ്ണിക്കുകയാണ് ”പെണ്ണാൾ ” എന്ന മ്യൂസിക് സീരീസിലെ നാലാമത്തെ ഗാനമായ “മാതൃത്വ” ത്തിലൂടെ.
ഷൈല തോമസ്- ഗാനരചന, സംവിധാനം
സുരഭി ലക്ഷ്മി- ക്രിയേറ്റീവ് ഡയറക്ടർ
ഷൈല തോമസ് ഗാനരചനയും സംവിധാനവും നിർവ്വഹിച്ച മാതൃത്വ ത്തിൻ്റെ ക്രിയേറ്റീവ് ഡയറക്ടർ ദേശീയ അവാർഡ് ജേതാവായ നടി സുരഭി ലക്ഷ്മിയാണ്.
ഗായത്രി സുരേഷ് – സംഗീത സംവിധാനം
Dr. ഷാനി ഹഫീസ് ആലാപനവും ഗായത്രി സുരേഷ് സംഗീത സംവിധാനവും നിർവ്വഹിച്ചിരിക്കുന്ന മാതൃത്വം, സംഗീത സംവിധായകൻ M ജയചന്ദ്രനും, മജീഷ്യൻ ഗോപിനാഥ് മുതുകാടും, നടനായ അനൂപ് മേനോനും തങ്ങളുടെ പേജുകളിൽ ഷെയർ ചെയ്യുകയും ചെയ്തു.
Dr. ഷാനി ഹഫീസ് -ആലാപനം
സുരഭിയുടെ ഒഫീഷ്യൽ യുട്യൂബ് ചാനലായ സുരബീസ് (Surabees) ലാണ് മാതൃത്വം റിലീസ് ചെയ്തത്. മണിക്കൂറുകൾക്കുള്ളിൽ തന്നെ ആയിരക്കണക്കിനാളുകൾ ഈ ഗാനം കണ്ടു കഴിഞ്ഞു. സുമേഷ് സുകുമാരൻ ക്യാമറ നിർവ്വഹണവും ജിത്തു കെ ജയൻ ചീഫ് അസോസിയേറ്റ് ഡയറക്ടറുമാണ്. റിസാൽ ജെയ്നിയും അരവിന്ദും ചേർന്ന് എഡിറ്റിംഗ് നിർവ്വഹിച്ച ഈ ഗാനത്തിൽ പ്രധാന വേഷം ചെയ്തത് ദേശീയ അവാർഡ് ജേതാവായ നടി സാവിത്രി ശ്രീധരനാണ്. രഞ്ജു ഗോവിന്ദ്, സുമിത, ബേബി അൽമിത്ര എന്നിവരും വേഷമിടുന്നു.
സ്ത്രീ ജീവിതത്തിന്റെ 5 വ്യത്യസ്ത ഘട്ടങ്ങൾ വിവരിക്കുന്ന മലയാളത്തിലെ ആദ്യ മ്യൂസിക് സീരീസായ പെണ്ണാളിൻ്റെ ആദ്യഘട്ടങ്ങളായ ബാല്യം, കൗമാരം, യൗവ്വനം എന്നിവ ഇതിനകം തന്നെ ജനശ്രദ്ധ ആകർഷിച്ചു കഴിഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
