മുംബൈ അന്താരാഷ്ട്ര വിമാനത്താവളത്തില് യാത്രക്കാര്ക്ക് കോവിഡ് പരിശോധനാ കേന്ദ്രത്തിന് തുടക്കമായി. വിമാനത്താവളം വഴി പുറത്തേക്കുപോകുന്ന യാത്രക്കാര്ക്കാണ് ഇതിനായി അവസരമൊരുക്കിയിരിക്കുന്നത്.
യാത്രാ ടിക്കറ്റ് ബുക്ക് ചെയ്യുന്നതോടൊപ്പം തന്നെ വെബ്സൈറ്റിലും വിവരങ്ങള് നല്കണം. മുംബൈ അന്താരാഷ്ട്ര വിമാനത്താവളത്തിലെ ടെര്മിനല് രണ്ടിലെ നാലാം നിലയിലാണ് ഈ സൗകര്യം ഏര്പ്പെടുത്തിയിട്ടുള്ളത്. ഒക്ടോബര് 15 മുതല് പ്രാബല്യത്തില് വന്ന സൗകര്യം തുടക്കത്തില് അന്താരാഷ്ട്ര യാത്രക്കാര്ക്കു മാത്രമായാണ് പരിമിതപ്പെടുത്തിയിരിക്കുന്നത്.
പുണെ വിമാനത്താവളത്തിലും അന്തര്ദ്ദേശീയ യാത്രക്കാര്ക്കായി ഉടന് തന്നെ വാക്ക്-ഇന് കോവിഡ് -19 പരിശോധന കേന്ദ്രം ആരംഭിക്കും. അന്താരാഷ്ട്ര വിമാനങ്ങളില് എത്തുന്ന എല്ലാ യാത്രക്കാര്ക്കും 15 മിനിറ്റിനുള്ളില് ഫലങ്ങള് നല്കുന്ന ആര്ടി-പിസിആര് പരിശോധനയായിരിക്കും ലഭ്യമാകുക. ടെസ്റ്റ് നടത്തുവാന് ആഗ്രഹിക്കുന്ന ഏതൊരു യാത്രക്കാരനും ടെസ്റ്റ് പ്രീ-ബുക്ക് ചെയ്യുകയോ ലോഞ്ചിലെ ഹെല്പ്പ് ഡെസ്കുമായി ബന്ധപ്പെടുകയോ ചെയ്യാമെന്ന് അധികൃതര് അറിയിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here