ചരിത്രത്തിലാദ്യം; ഇനി സ്ത്രീകള്‍ക്കും ഫയർ & റെസ്ക്യൂ സർവീസിൽ ഹോം ഗാർഡുകളാകാം; ഉത്തരവ് നൽകി മുഖ്യമന്ത്രി

ചരിത്രത്തിലാദ്യമായി ഫയർ & റെസ്ക്യൂ സർവീസിൽ ഹോം ഗാർഡുകളായി സ്ത്രീകളെ നിയമിക്കാൻ ഉത്തരവ് നൽകിയതായി മുഖ്യമന്ത്രി പിണറായി വിജയൻ.

അതിനുപുറമേ, 30% വനിതാസംവരണവും സ്ത്രീകൾക്കായി ഉറപ്പാക്കിയിട്ടുണ്ട്. അഗ്നിരക്ഷാ വകുപ്പിലും പൊലീസിലും നിയമിക്കുന്ന ഹോം ഗാർഡുകളെ ദുരന്തസ്ഥലങ്ങളിൽ രക്ഷാ പ്രവർത്തനത്തിനു നിയോഗിച്ചു വരുന്നു. സ്ത്രീ ശാക്തീകരണത്തിനായ് നിരവധി പദ്ധതികളാണ് സർക്കാർ ഇതിനോടകം നടപ്പിലാക്കിയത്.

ആ നയത്തിൻ്റെ ഭാഗമായാണ് ഹോം ഗാർഡുകളായി സ്ത്രീകളെ നിയമിക്കാനും സംവരണം ഏർപ്പെടുത്താനും തീരുമാനിച്ചതെന്നും മുഖ്യമന്ത്രി ഫേസ് ബുക്ക് പേജിൽ കുറിച്ചു.