തിരുവനന്തപുരം: തദ്ദേശതെരഞ്ഞെടുപ്പ് പ്രചാരണത്തിന് ബോര്ഡുകള്, ബാനറുകള്, ഹോര്ഡിംഗുകള് മുതലായവ സ്ഥാപിക്കുന്നതും നീക്കം ചെയ്യുന്നതും സംബന്ധിച്ച പുതുക്കിയ മാര്ഗ്ഗനിര്ദ്ദേശങ്ങള് പുറപ്പെടുവിച്ചിട്ടുളളതായി സംസ്ഥാന തെരഞ്ഞെടുപ്പ് കമ്മീഷണര് വി.ഭാസ്കരന് അറിയിച്ചു.
തെരഞ്ഞെടുപ്പ് പ്രചാരണത്തിന് പ്ലാസ്റ്റിക്, പി.വി.സി തുടങ്ങിയ വസ്തുക്കള് ഉപയോഗിക്കാന് പാടില്ല. പരിസ്ഥിതി സൗഹൃദവും മണ്ണില് അലിഞ്ഞു ചേരുന്നതും പുന:ചംക്രമണം ചെയ്യാന് കഴിയുന്നതുമായ വസ്തുക്കള് മാത്രമേ ഉപയോഗിക്കാവൂ.
കേരള ഹൈക്കോടതിയും സംസ്ഥാന സര്ക്കാരും പുറപ്പെടുവിച്ച ഉത്തരവുകളുടെ അടിസ്ഥാനത്തിലും കോവിഡ്-19 വ്യാപന പഞ്ചാത്തലത്തിലുമാണ് പുതുക്കിയ മാര്ഗ്ഗനിര്ദ്ദേശങ്ങള് പുറപ്പെടുവിച്ചിട്ടുളളത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here