കേന്ദ്ര ഏജന്‍സികളെ ഉപയോഗിച്ച് കേരളത്തിലെ സര്‍ക്കാറിനെ തകര്‍ക്കാനുള്ള ശ്രമമാണ് ബിജെപി നടത്തുന്നതെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍ പ്രതികരിച്ചു.
ബിനീഷിന്‍റെ അറസ്റ്റ് സര്‍ക്കാറിനെ ബാധിക്കില്ലെന്നും. ബിനീഷ് എല്‍ഡിഎഫ് സര്‍ക്കാറിന്‍റെ ഭാഗമല്ലെന്നും കാനം രാജേന്ദ്രന്‍ ചോദ്യങ്ങളോട് പ്രതികരിച്ചു.
ബിനീഷ് വിഷയത്തില്‍ കോടിയേരി നിലപാട് വ്യക്തമാക്കിയിട്ടുണ്ടെന്നും അതില്‍ കൂടുതലായി തനിക്ക് ഒന്നും പറയാനില്ലെന്നും കാനം രാജേന്ദ്രന്‍ പറഞ്ഞു.
ബിനീഷിനെതിരെയുള്ളത് മയക്കുമരുന്ന് കേസല്ല സാമ്പത്തിക ഇടപാട് കേസാണെന്നും പ്രതിപക്ഷ നേതാവ് രമേശ് ചെന്നിത്തല ഉള്‍പ്പെടെയുള്ളവര്‍ക്കെതിരെ ഉയരുന്ന ഇത്തരം കേസുകളോടും ആരോപണങ്ങളോടും മൗനം പാലിക്കുന്ന കേന്ദ്ര ഏജന്‍സികള്‍ ബിനീഷിനെ വേട്ടയാടുകയാണെന്നും കാനം രാജേന്ദ്രന്‍ പ്രതികരിച്ചു. തെരഞ്ഞെടുപ്പിനെ നേരിടാന്‍ മുന്നണിയും സര്‍ക്കാരും പൂര്‍ണ സജ്ജമാണെന്നും കാനം പ്രതികരിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
