ഒരുമിച്ചുള്ള ഭക്ഷണം കഴിക്കൽ , വായൂ സഞ്ചാരമില്ലാത്ത ഇടങ്ങൾ, മുറികൾ, വാഹനങ്ങൾ എന്നിവ രോഗ വ്യാപന സാധ്യത വർദ്ധിപ്പിക്കും

ഇംഗ്ലണ്ടില്‍ വ്യഴാഴ്ച മുതൽ ഒരു മാസത്തേക്ക് നാഷണൽ ലോക്ക് ഡൌൺ വീണ്ടും പ്രഖ്യാപിച്ചു.

യൂറോപ്പിലെങ്ങും കോവിഡ് രണ്ടാം തരംഗം ആഞ്ഞടിക്കുന്നതിനിടയിലാണ് ഇത്.

🔻ഇറ്റലിയിൽ പ്രതിദിന കേസുകൾ 31,000 മുകളിലാണ് ഒന്ന് രണ്ടു ദിവസങ്ങളായി. മരണനിരക്കും ഉയരുന്നു.

🔻സ്‌പെയിനിൽ & ഇറ്റലിയിൽ വീണ്ടും നിയന്ത്രണങ്ങൾ പ്രഖ്യാപിച്ചതിനെതിരെ പ്രതിഷേധ സമരങ്ങൾ ഉണ്ടായി.

🔻കോവിഡ് ബാധയാൽ ആശുപത്രിയിൽ അഡ്മിറ്റ് ആവുന്നവരുടെ എണ്ണം 14 യൂറോപ്യൻ രാജ്യങ്ങളിൽ പുതിയ റെക്കോർഡ് നമ്പറിൽ എത്തി.

🔻ഇറാനിലും പ്രതിദിന മരണസംഖ്യ പുതിയ ഉയരങ്ങളിൽ എത്തി.

🔻പ്രതിദിന കേസുകളുടെ എണ്ണത്തിൽ റഷ്യയും പുതിയ റെക്കോഡ് സംഖ്യയിൽ എത്തി.

🔰ഗുണപാഠം : കോവിഡ് പകർച്ചവ്യാധി നാട്ടിൽ വന്നു പോയാലും അടുത്ത തരംഗങ്ങൾ ഉണ്ടായേക്കാം. അത് കൊണ്ട് പ്രതിരോധത്തിന്റെ പ്രാഥമിക പാഠങ്ങൾ എന്നും എപ്പോഴും പാലിക്കുക.

🔺മാസ്ക് & സാനിറ്റയ്‌സർ ഉപയോഗിച്ചാൽ എല്ലാം ആയില്ല,

✅ആൾക്കൂട്ടങ്ങൾ ഒഴിവാക്കുക,

✅അനാവശ്യ ചടങ്ങുകൾ നടത്തുന്നതും പങ്കെടുക്കുന്നതും ഒഴിവാക്കുക.

✅ഒരുമിച്ചുള്ള ഭക്ഷണം കഴിക്കൽ സെഷനുകൾ ഒഴിവാക്കുക,
വായൂ സഞ്ചാരമില്ലാത്ത ഇടങ്ങൾ, മുറികൾ, വാഹനങ്ങൾ എന്നിവ രോഗ വ്യാപന സാധ്യത വർദ്ധിപ്പിക്കും.

✅ജനാലകൾ / വാതിലുകൾ തുറന്നിട്ട് വായൂ സഞ്ചാരം ഉറപ്പാക്കുക, എക്സ്ഹോസ്റ്റ് ഫാനുകൾ കൂടുതൽ സ്ഥാപിക്കുകയും, മുഴുവൻ സമയം പ്രവർത്തിപ്പിക്കുകയും ചെയ്യുക, പ്രത്യേകിച്ച് ശുചി മുറികളിൽ.

കുറച്ചു നാളത്തേക്ക് കൂടി എങ്കിലും ഇത്തരം ത്യാഗങ്ങൾ ചെയ്യുന്നത് മെച്ചപ്പെട്ട ഭാവി ഉറപ്പാക്കാൻ സഹായകമാവും.

ഡോ.ദീപു സദാശിവൻ ,ഇൻഫോക്ലിനിക്