ന്യൂസീലന്ഡില് ജസിന്ഡ ആര്ഡേന് മന്ത്രിസഭയില് അംഗമായ പ്രിയങ്ക രാധാകൃഷ്ണനെ അഭിനന്ദിച്ച് ആരോഗ്യമന്ത്രി കെ.കെ ശൈലജ ടീച്ചര്. ഫെയ്സ്ബുക്ക് കുറിപ്പിലൂടെയാണ് മന്ത്രി പ്രിയങ്കയ്ക്ക് അഭിനന്ദനം അറിയിച്ചത്.
ഇതാദ്യമായാണ് ന്യൂസീലന്ഡില് ഒരു ഇന്ത്യക്കാരി മന്ത്രിയാവുന്നത്. ഗ്രാന്റ് റോബര്ട്സണ് ഉപപ്രധാനമന്ത്രിയായ മന്ത്രിസഭയില് പ്രിയങ്കയ്ക്ക് സാമൂഹിക, യുവജനക്ഷേമം, സന്നദ്ധ മേഖലകളുടെ ചുമതലയാണ് ലഭിച്ചിട്ടുള്ളത്.
എറണാകുളം പറവൂര് സ്വദേശിയായ പ്രിയങ്ക രാധാകൃഷ്ണന് കുട്ടിക്കാലത്താണ് സിംഗപ്പൂരിലേക്കു താമസം മാറിയത്. വെല്ലിങ്ടൻ സർവകലാശാലയിൽ നിന്ന് ഡവലപ്മെന്റൽ സ്റ്റഡീസിൽ ബിരുദാനന്തര ബിരുദം നേടാനാണ് പ്രിയങ്ക ന്യൂസീലൻഡിലെത്തിയത്.
ശെെലജ ടീച്ചറുടെ ഫെയ്സ്ബുക്ക് കുറിപ്പിങ്ങനെ;
ന്യൂസിലന്ഡിലെ ജസീന്ഡ ആര്ഡേന് മന്ത്രിസഭയില് അംഗമായ എറണാകുളം പറവൂര് സ്വദേശിയായ പ്രിയങ്ക രാധാകൃഷ്ണന് അഭിനന്ദനങ്ങള്. ആദ്യമായിട്ടാണ് ഇന്ത്യയില്നിന്നുള്ള ഒരാള് ന്യൂസിലന്ഡില് മന്ത്രിയാകുന്നത്. പ്രധാനമന്ത്രി ജസീന്ഡ ആര്ഡേണിന്റെ ഉറ്റസുഹൃത്ത് കൂടിയായ പ്രിയങ്ക. ലേബര് പാര്ട്ടി എംപിയായ പ്രിയങ്ക രാധാകൃഷ്ണന് സമൂഹിക വികസനം, യുവജനക്ഷേമം, സന്നദ്ധമേഖല എന്നീ വകുപ്പുകളുടെ ചുമതലയാണ് നല്കിയിരിക്കുന്നത്. തൊഴില് സഹമന്ത്രി ചുമതല കൂടി ഇവര്ക്ക് നല്കിയിട്ടുണ്ട്. എറണാകുളം ജില്ലയിലെ പറവൂര് മാടവനപ്പറമ്പ് രാമന് രാധാകൃഷ്ണന് ഉഷ ദമ്പതികളുടെ മകളായ പ്രിയങ്ക 14 വര്ഷമായി ലേബര് പാര്ട്ടി പ്രവര്ത്തകയാണ്. ക്രൈസ്റ്റ് ചര്ച്ച് സ്വദേശിയും ഐടി ജീവനക്കാരനുമായ റിച്ചാര്ഡ്സണാണ് ഭര്ത്താവ്.
ന്യൂസിലന്ഡിലെ ജസീന്ഡ ആര്ഡേന് മന്ത്രിസഭയില് അംഗമായ എറണാകുളം പറവൂര് സ്വദേശിയായ പ്രിയങ്ക രാധാകൃഷ്ണന്…
Posted by K K Shailaja Teacher on Sunday, 1 November 2020
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here