രസികത്തിയായ അമ്മക്ക് പിറന്നാൾ ആശംസ നേർന്ന് മക്കൾ:നടി മല്ലിക സുകുമാരന്റെ 66-ാം ജന്മദിനമാണ് ഇന്ന്

നടി മല്ലിക സുകുമാരന്റെ 66-ാം ജന്മദിനമാണ് ഇന്ന്. പിറന്നാൾ ദിനത്തിൽ അമ്മയ്ക്ക് ആശംസകൾ നേരുകയാണ് മക്കളും മരുമക്കളും കൊച്ചുമക്കളും.

“എന്റെ ‘ക്രൈം പാർട്ണർക്ക്’ ജന്മദിനാശംസകൾ. ഏറ്റവും സ്മാർട്ടും കൂളും രസികയുമായ അമ്മയും അമ്മായിയമ്മയും മുത്തശ്ശിയുമൊക്കെയാണ്’അമ്മ . ഞാൻ നിങ്ങളെ സ്നേഹിക്കുന്നു,” എന്നാണ് പൂർണിമ സോഷ്യൽ മീഡിയയിൽ പങ്കുവെച്ചത്.ഇതിനു മുൻപും പൂർണ്ണിമ മല്ലിക സുകുമാരനെക്കുറിച്ച് പങ്കുവെച്ച ചിത്രങ്ങളും കുറിപ്പുകളും ശ്രദ്ധേയമായിരുന്നു.

അമ്മയ്ക്ക് ഒപ്പമുള്ള ഒരു പഴയചിത്രം പങ്കുവച്ചുകൊണ്ടാണ് പൃഥ്വി ആശംസകൾ നേർന്നിരിക്കുന്നത്.
കുഞ്ഞുപൃഥ്വി മല്ലിക സുകുമാരന്റെ മടിയിലിരിക്കുന്ന ചിത്രമാണ് പൃഥ്വിരാജ് പങ്കു വെച്ചിരിക്കുന്നത്.

പൂർണിമയ്ക്കും പൃഥ്വിരാജിനും പിറകെ ഇന്ദ്രജിത്തും സുപ്രിയയുമെല്ലാം അമ്മയ്ക്ക് ആശംസകൾ നേർന്നിട്ടുണ്ട്.
ഹാപ്പി ബർത്ഡേയ് അമ്മെ എന്ന് ഇന്ദ്രജിത്ത്.

1974 ൽ ജി. അരവിന്ദന്റെ ഉത്തരായനം എന്ന ചിത്രത്തിലൂടെയാണ് മോഹമല്ലിക എന്ന മല്ലിക അരങ്ങേറ്റം കുറിക്കുന്നത്. സ്വപ്നാടനം എന്ന ചിത്രത്തിന് മികച്ച രണ്ടാമത്തെ നടിയ്ക്കുള്ള കേരള സംസ്ഥാന ചലച്ചിത്ര പുരസ്കാരവും തൊട്ടടുത്ത വർഷം തന്നെ മല്ലിക സ്വന്തമാക്കി.പിന്നീട ഒട്ടേറെ ചിത്രങ്ങളിലൂടെ മല്ലികയെ പ്രേക്ഷകർ കണ്ടു . 90 ലേറെ സിനിമകളിലും നിരവധിയേറെ സീരിയലുകളിലും ശ്രദ്ധേയമായ കഥാപാത്രങ്ങളെ അവതരിപ്പിച്ചു.ഇടയ്ക്കു ഗായികയായും സാന്നിധ്യം അറിയിച്ചിട്ടുണ്ട് .

വിവാഹത്തോടെ സിനിമയിൽ നിന്നും വിട്ടുനിന്ന മല്ലിക, ഭർത്താവും നടനുമായ സുകുമാരന്റെ മരണശേഷമാണ് അഭിനയരംഗത്തേക്ക് വീണ്ടും തിരിച്ചെത്തിയത്.