റിയാസ് ഖാന് നായകനാവുന്ന പുതിയ ചിത്രത്തിന്റെ പോസ്റ്റര് ശ്രദ്ധേയമാകുന്നു. ‘നന്മമരം’ എന്നറിയപ്പെടുന്ന ‘സുരേഷ് കോടാലിപ്പറമ്പന്’ എന്ന കഥാപാത്രമായാണ് റിയാസ് ഖാന് ചിത്രത്തില് എത്തുന്നത്.ചാരിറ്റിയുടെ പേരില് നടക്കുന്ന തട്ടിപ്പുകളെ ആക്ഷേപഹാസ്യ സ്വഭാവത്തില് സമീപിക്കുന്ന ചിത്രമാണ് ‘മായക്കൊട്ടാരം’.
‘ചെറ്റക്കണ്ടി വസന്തയുടെ പല്ല് മാറ്റിവെക്കല് ശസ്ത്രക്രിയക്കായി നിങ്ങള് നല്കിയത് 17 മണിക്കൂറില് 3 കോടി 45 ലക്ഷത്തി 391 രൂപ 39 പൈസ, സഹായിച്ചവര്ക്കും സഹകരിച്ചവര്ക്കും നന്ദി’ എന്നാണ് ഫസ്റ്റ് ലുക്ക് പോസ്റ്ററിലെ വാചകം. പോസ്റ്ററില് റിയാസ് ഖാനും ഉണ്ട്.
കന്നഡ താരം ദിഷ പൂവയ്യയാണ് നായികയായി എത്തുന്നത്. കെ എന് ബൈജു ആണ് രചനയും സംവിധാനവും. ജയന് ചേര്ത്തല, മാമുക്കോയ, നാരായണന്കുട്ടി, സാജു കൊടിയന്, കേശവദേവ്, കുളപ്പുള്ളി ലീല, തമിഴ് നടന് സമ്പത്ത് രാമന് തുടങ്ങിയവരും അഭിനയിക്കുന്നു.
നവഗ്രഹ സിനി ആര്ട്സ്, ദേവ ക്രിയേഷന്സ് എന്നിവയുടെ ബാനറുകളില് എ പി കേശവദേവ് നിര്മ്മിക്കുന്ന ചിത്രത്തിന്റെ ഛായാഗ്രഹണം വെങ്കിട് നിര്വ്വഹിക്കുന്നു. റഫീഖ് അഹമ്മദ്, രാജീവ് ആലുങ്കല്, മുരുകന് കാട്ടാക്കട എന്നിവരുടെ വരികള്ക്ക് അജയ് സരിഗമ സംഗീതം പകരുന്നു. ബിജു നാരായണന്, മധു ബാലകൃഷ്ണന്, അനുരാധ ശ്രീറാം, മാതംഗി അജിത് കുമാര് എന്നിവരാണ് ഗായകര്. പെരുമ്പാവൂരും പാലക്കാടുമാണ് ലൊക്കേഷനുകള്.
Suresh Kodaliparamban. The warlord of the poor from “Mayakottaram”
Posted by Riyaz Khan on Wednesday, 4 November 2020
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here