റോയല് ചാലഞ്ചേഴ്സ് ബാംഗ്ലൂരിനെതിരെ സണ്റൈസേഴ്സ് ഹൈദരാബാദിന് 6 വിക്കറ്റ് ജയം. ബാംഗ്ലൂര് ഉയര്ത്തിയ 132 വിജയലക്ഷ്യം ഹൈദരാബാദ് രണ്ടു പന്തുകള് ശേഷിക്കെ മറികടന്നു. സ്കോര്: ബാംഗ്ലൂര് 20 ഓവറില് 7 വിക്കറ്റ് നഷ്ടത്തില് 131 റണ്സ്. ഹൈദരാബാദ് 19.4 ഓവറില് 4 വിക്കറ്റ് നഷ്ടത്തില് 132 റണ്സ്.
ആദ്യം ബാറ്റുചെയ്ത ബാംഗ്ലൂരിന് നിശ്ചിത ഓവറിൽ ഏഴിന് 131 റൺസ് എടുക്കാനാണ് സാധിച്ചത്. എബി ഡിവില്ലിയേഴ്സ് (56), ആരോൺ ഫിഞ്ച് (32), മുഹമ്മദ് സിറാജ് (10 നോട്ടൗട്ട്) എന്നിവർ മാത്രമാണ് രണ്ടക്കം കടന്നത്. തുടക്കത്തിൽ ഒന്ന് പരുങ്ങിയെങ്കിലും പക്വതയാർന്ന ഇന്നിങ്സ് കാഴ്ചവെച്ച കെയ്ൻ വില്യംസൺ (50 നോട്ടൗട്ട്), മനീഷ് പാണ്ഡേ (24), ജേസൺ ഹോൾഡർ (24 നോട്ടൗട്ട്) എന്നിവർ ചേർന്ന് ഹൈദരാബാദിനെ മുന്നോട്ടു നയിക്കുകയായിരുന്നു.
നവ്ദീപ് സെയ്നിയെറിഞ്ഞ അവസാന ഓവറിൽ തുടർച്ചയായി രണ്ട് ബൗണ്ടറികൾ പായിച്ച് കരീബിയൻ താരമായ ഹോൾഡർ ടീമിനെ ജയത്തിലെത്തിക്കുകയായിരുന്നു. അവസാന അഞ്ച് മത്സരം തോറ്റാണ് ബാംഗ്ലൂർ ടൂർണമെൻറ് അവസാനിപ്പിച്ചത്.
രണ്ടാം ക്വാളിഫയർ പോരാട്ടത്തിൽ ഡൽഹി കാപിറ്റൽസാണ് ഹൈദരാബാദിെൻറ എതിരാളികൾ.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here