തദ്ദേശതെരഞ്ഞെടുപ്പിലെ സ്ഥാനാര്ത്ഥികള്ക്ക് ഇന്ന് മുതല് നാമനിര്ദ്ദേശപത്രിക സമര്പ്പിക്കാം. ഈ മാസം 19 വരെയാണ് പത്രിക സമര്പ്പിക്കാനുള്ള സമയപരിധി.
രാവിലെ 11 മണി മുതല് വൈകിട്ട് 3 മണി വരെയാണ് പത്രിക സമര്പ്പിക്കാന് കഴിയുക. 20നാണ് സൂഷ്മ പരിശോധന. സ്ഥാനാര്ത്ഥിത്വം പിന്വലിക്കാനുള്ള അവസാന തീയതി നവംബര് 23 ആണ്.
സംസ്ഥാനത്തെ 941 ഗ്രാമപഞ്ചായത്തുകള്, 152 ബ്ലോക്കുകള്, 14 ജില്ലാ പഞ്ചായത്തുകള്, ആറ് കോര്പ്പറേഷന് എന്നിവിടങ്ങളിലെ 21865 വാര്ഡുകളിലേക്കാണ് മൂന്ന് ഘട്ടമായി തെരഞ്ഞെടുപ്പ് നടക്കുന്നത്.
തിരുവനന്തപുരം, കൊല്ലം പത്തനംതിട്ട, ആലപ്പുഴ ജില്ലകളില് ഡിസംബര് എട്ടിനാണ് ആദ്യഘട്ട തെരഞ്ഞെടുപ്പ്. ഡിസംബര് പത്തിന് കോട്ടയം, എറണാകുളം, തൃശ്ശൂര്, പാലക്കാട്, വയനാട് ജില്ലകളില് രണ്ടാംഘട്ട തെരഞ്ഞെടുപ്പ് നടക്കും. ഡിസംബര് പതിനാലിനാണ് മൂന്നാം ഘട്ട തെരഞ്ഞെടുപ്പ്. മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലാണ് അന്ന് തെരഞ്ഞെടുപ്പ്. ഡിസംബര് 16 ന് വോട്ടെണ്ണല് നടക്കും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here