ബിലീവേഴ്സ് ചര്ച്ച് സ്ഥാപനങ്ങളുടെ ഉടമയായ കെ പി യോഹന്നാന് ആദായ നികുതിവകുപ്പിന്റ നോട്ടീസ്. കൊച്ചിയിലെ ഓഫീസില് തിങ്കളാഴ്ച ഹാജരാകണമെന്നാവശ്യപ്പെട്ടാണ് സമന്സ് അയച്ചിരിക്കുന്നത്.
കഴിഞ്ഞ ദിവസങ്ങളില് കെ പി യോഹന്നാന്റെ വീട്ടിലും ബിലീവേഴ്സ് ചര്ച്ചിന്റെ സ്ഥാപനങ്ങളിലും ആദായനികുതി വകുപ്പ് റെയ്ഡ് നടത്തുകയും 15 കോടിയിലധികം തുക അനധികൃതമായി കണ്ടെത്തുകയും ചെയ്തിരുന്നു.
സംസ്ഥാനത്തിനകത്തും പുറത്തുമുളള ബിലീവേഴ്സ് ചര്ച്ചിന്റെ കീഴിലുളള സ്ഥാപനങ്ങളില് റെയ്ഡ് നടത്തിയതിന് പിന്നാലെയാണ് കെ പി യോഹന്നാന് ആദായനികുതി വകുപ്പ് നോട്ടീസ് നല്കിയത്. തിങ്കളാഴ്ച രാവിലെ 11 മണിയോടെ കൊച്ചിയിലെ ഓഫീസില് ഹാജരാകണമെന്നാവശ്യപ്പെട്ടാണ് സമന്സ് അയച്ചിരിക്കുന്നത്.
കഴിഞ്ഞ ദിവസങ്ങളില് കെ പി യോഹന്നാന്റെ വീട്ടിലും ബിലീവേഴ്സ് ചര്ച്ചിന്റെ സ്ഥാപനങ്ങളിലും ആദായനികുതി വകുപ്പ് റെയ്ഡ് നടത്തുകയും 15 കോടിയിലധികം തുക അനധികൃതമായി കണ്ടെത്തുകയും ചെയ്തിരുന്നു. ചര്ച്ചിന്റെ കീഴിലുളള ആശുപത്രി, സ്കൂള്, കോളേജ്, ട്രസ്റ്റ്, എന്നിവിടങ്ങളില് നിന്ന് റെയ്ഡില് ശേഖരിച്ച ഇലക്ട്രോണിക്സ് ഡേറ്റകള് പ്രത്യേക ടീമിന്റെ നേതൃത്വത്തില് വിലയിരുത്തും.
കഴിഞ്ഞ 10 വര്ഷത്തിനിടെ 6000 കോടിയിലധികം രൂപ കാരുണ്യപ്രവര്ത്തനങ്ങളുടെ പേരില് വിദേശസഹായമായി ബിലീവേഴ്സ് ചര്ച്ച് സ്വീകരിച്ചതായി കണ്ടെത്തിയിട്ടുണ്ട്. കാരുണ്യപ്രവര്ത്തനങ്ങളുടെ പേരില് സ്വീകരിച്ച ഈ തുക, റിയല് എസ്റ്റേറ്റ് ബിസിനസായി ഉപയോഗിച്ചതായാണ് ആദായനികുതി വകുപ്പ് കണ്ടെത്തിയിട്ടുളളത്.
അതിനാല് എഫ്സിആര്എ നിയമലംഘനം നടന്നിട്ടുണ്ടോയെന്നാണ് ആദായനികുതി വകുപ്പ് അന്വേഷിക്കുന്നത്. വിദേശപണം ലഭിച്ചതിന്റയെും ചെലവഴിച്ചതിന്റെയും വിശദാംശങ്ങള് തേടുകയും നികുതി റിട്ടേണ് സമര്പ്പിച്ച രേഖകളി്ല് അടക്കം വൈരുദ്ധ്യങ്ങളുണ്ടെന്നും ആദായ നികുതി വകുപ്പ് ഉദ്യോഗസ്ഥര് കണ്ടെത്തി. ഇതിന് പിന്നാലെയാണ് കെ പി യോഹന്നാന് ആദായ നികുതിവകുപ്പിന്റ നോട്ടീസ് നല്കിയിരിക്കുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here